香港尖沙咀｜The Dutch House Restaurant & Bistro

平時食西餐通常都係法式、英式、意式為主，好少諗起荷蘭菜，原來香港開左一間荷蘭餐廳，仲係由荷蘭返黎既大廚做老闆，真係唔洗飛都可以感受荷蘭菜既味道。 對荷蘭菜毫無頭緒既我地決左決定試下Omakase, 交俾廚師發辦，大廚仲係品酒師，可以加埋wine pairing, 每道菜都會配合番唔同酒類，令味道更加昇華！ Chef's Menu $ 988 (6 Courses) + Wine Pairing $200 荷蘭香腸配洋蔥蛋黃咖喱蕃茄醬 荷蘭腸同一般食開既香腸唔同，佢係無腸衣，肉味更香濃，中間夾住洋蔥蛋黃咖喱蕃茄醬，酸酸甜甜，開胃惹味。 荷蘭希靈魚 另一款荷蘭街頭小食生醃希靈魚，加埋酸瓜洋蔥一齊食，味道咸香，肉質比較淋，當地人習慣好豪邁咁成條放入口，配埋啤酒一齊食！ 前菜都係一啲比較濃味既食物，所以配左The bols 2 years aged corenwyn gin 酒，係一款酒精濃度較高烈酒，配埋希靈魚好夾！ 荷蘭傳統青口鍋配蒜茸牛油焗拖鞋麵包 青口用左荷蘭傳統鐵鍋以蒸焗方式鎖住青口鮮甜味，亦唔會過熟，青口係荷蘭空運到港，用海水養住，所以黎到香港都仲係新鮮，拖鞋包外脆內軟，點埋湯食可以吸收晒湯底既精華！配埋Double 8 Classic Sauvignon Blanc 2019 白酒，帶點酸味，配合埋青口鍋可以有提鮮作用。 荷蘭豆湯配煙熏香腸 青豆湯好濃，完全無青澀味，反而有煙燻肉味，湯由青豆、蘿白、洋蔥同西芹等blend成，入面仲加左煙燻香腸同麵包粒，好飽肚，waiter 話荷蘭人最鍾意冬天用黎暖胃。 荷蘭戰斧豬扒 豬扒好厚身，入口非常嫩，而且仲保留到肉汁，表面加左兩種荷蘭芝士，有啲鹹香味道，薯條用左荷蘭薯仔，食落口感比較軟綿，點埋荷蘭特有既蛋黄咖喱蕃茄醬黎食，好食到停唔到口！另外配左Trapiche Oak Cask Malbec 2021紅酒，味道帶甜，比較易入口，好岩女仔飲！ 蘋果批 由於之前啲主菜食得太飽，甜品細細份，反而岩岩好，apple crumble 岩岩焗起，外皮鬆脆，蘋果蓉酸甜適中，配埋雲呢拿雪糕一齊食有冰火交融既感覺！甜品配左味道較清甜既梅酒，好夾! 餐廳裝修充滿歐陸風格，中間放左荷蘭鮮花，令餐廳充滿花香味，坐係窗邊既風景都好開揚，環境一流！

尖沙咀新開正宗荷蘭菜🇳🇱✨🦥 大廚兼老闆從小在荷蘭生活，把正宗的荷蘭菜帶到餐廳當中！👍🏻大廚在荷蘭生活時更是有名的廚師，兼做比賽評判！實至名歸的大廚！ 除了餐牌上的菜式外，更可選擇「廚師發辦」的套裝，真真正正充滿著荷蘭風味！ 《Chef ‘s Menu》$988 最低消費兩位起，全是荷蘭本地的精美的菜式，十分難得！✨✨ 此廚師發辦共有六味餸，但豈只得六樣呢？是超過六樣！ 《自家製阿姆斯特丹脆炸牛肉丸》 荷蘭街頭小食必吃之一「bitterballen」，去荷蘭一定會吃的！外層脆卜卜，內裏充滿著獨特的醬汁和牛肉，配上美酒，的確令人難忘！ 《荷蘭香腸配洋蔥咖喱蛋黃醬》 夾着咖喱和洋蔥Rookworst，香味濃厚，腸仔脆皮，咖喱配搭荷蘭製的腸，風味獨特好吃！ 《荷蘭海蝦兩味》 由荷蘭直送的海蝦，以兩種烹製方法，有炸的口味和原味，吃出蝦的咸香味，十分惹味開胃！送酒一流！ 《荷蘭傳統青口鍋》 必食推介！超好吃！極度新鮮！ 由百里香、白葡萄酒、牛油和奶油調製的湯汁，配合由荷蘭飛機直送的新鮮青口，吃到鮮味十足的青口！👏🏻👏🏻👏🏻👏🏻 連烹調青口的煲也是荷蘭傳統使用的煲呢！ 青口醬汁配搭荷蘭特色的拖鞋麵包，是完美的組合！超好吃！麵包軟熟無比！👍🏻 《青豆湯》 荷蘭人冬天必喝的青豆湯，食材足料，肉絲香，青豆蓉濃，很保暖的湯水！ 《荷蘭粗薯》 荷蘭薯仔而很成的粗薯條，薯味重有咀嚼感，再配搭自家製的荷蘭醬汁，很有風味！ 《燒荷蘭豬勒骨》 肉質鮮嫩，燒得很有技巧，不會燶，而且肉和骨容易分離，又非常入味！ 《荷蘭芝士蛋糕》 表面有用白蘭地調製的車厘子，配搭荷蘭風味偏咸的芝士蛋糕，芝士蛋糕結實而有咀嚼感，好好吃！ 每道菜式配搭不同的酒水，會令味道更高層次，而餐廳亦推出了$200可自選四款酒水的優惠👍🏻 此外，環境亦很舒適！空間寬敞！每檯也有荷蘭風車的裝飾，很可愛！而且從窗口望出去，更是廣闊的尖沙嘴風景！ 總結：正宗的荷蘭菜！無得輸！簡直置身於荷蘭一樣！

起初去試一間餐廳，可能只得一個原因，不是因為好奇就是聽講好食，正如當我聽到尖沙咀開了一間正宗荷蘭餐廳 The Dutch House 之時，心想，荷蘭菜食咩㗎？早幾年短遊阿姆斯特丹走馬看花，吃的都是一般歐菜，除了記得有大量芝士商店之外，沒有留下深刻印象，畢竟身為旅客只在旅遊區活動，家常菜式是什麼未能理解，好奇心驅使下就去了一趟。 想不到這夜驚喜不斷，吃了三個鐘，找到三個回頭的原因。 首先是食材正中下懷，因為我至愛海鮮，今晚恍然大悟，原來荷蘭海產豐富，今晚吃到的希靈魚、鰻魚、青口及龍蝦等，全部非常優質。就只一道野生煙燻鰻魚，我已經馬上想回味，不說更有全龍蝦炮製的純龍蝦湯＋堂前明火干邑！ 其次是烹調方法，既有新鮮感亦水準了得，特式烤雞絕對是重中之重，不遜色於多間知名法國餐廳的招牌烤雞，最奇怪是腳趾頭酥脆至可咬碎吃！ 第三是酒配，大廚 Armand 是一級品酒師，是願意從廚房走出來與客人溝通的有 heart 良廚，別具酒配心得。我們今晩告別已經太普遍的紅白酒，換上荷蘭烈酒、日本清酒及梅酒，充滿期待！ 每位$988/六道菜，但又豈只六道菜咁簡單，餐前小吃已經多款多樣！ 荷蘭希靈魚 荷蘭炸肉丸及香腸 燒鵪鶉髀 荷蘭橡木煙燻鰻魚 荷蘭傳統青口鍋．意大利拖鞋包 傳統白蘭地龍蝦湯 特式烤雞 榴槤焦糖燉蛋 性價比高，重臨在望。