香港尖沙咀｜Hue Dining

放假想好好放鬆，就想搵間環境靚又坐得舒服既餐廳慢慢嘆， 就比我搵到呢間位於尖咀海傍附近嘅西餐廳Hue Dining。 成個感覺同氣氛都好chill，可以望住個維港食飯，星期日仲有Live jazz伴奏，會唔會太嘆~～ 佢地既weekend brunch既菜式都好豐富，包括6款前菜、2款主菜、2款甜品同2杯飲品，每位$480。 House Bread 自家製麵包，麵包煙韌鬆化，配上果仁牛油令整體更香口。 Ocean Trout 海鱒魚配上鱈魚子及三文魚籽，菜式色彩繽紛，鮮甜香口，魚籽豐富整體口感。 Asparaqus 微微煎香嘅蘆筍，配上香烤發酵荷蘭醬及脆榖物，食落清新，外軟內脆，而帶微甜嘅荷蘭醬令蘆筍更出色！ Grilled Erengi Mushrooms 烤杏鮑菇配上法式牛油汁、焦香小洋蔥及榛子，整體好香口，杏鮑菇夠晒多汁，洋蔥勁爽，夾埋一齊食超夾，有衝動想來多客！ Beef Tartar 生牛肉他他，用上紅椒核桃醬調味，食落新鮮配上脆片一齊食更添口感，側邊幾塊烤大蒜，夾埋一齊食一樣滋味！ Bull's Heart Tomato 用咗牛心蕃茄、哈密瓜果醋及海帶製作而成嘅菜式，蕃茄酸酸甜甜夠開胃，哈密瓜超香甜，海帶帶鮮，好食又健康！ Aanolotti 出面甚少食到嘅意式雲吞，素食者都岩食！ 雲吞外脆內軟，表面淋上法式青豆濃湯令味道更香。另有ricotta芝士同蓮藕做伴菜，令整體菜式更加豐富。 Iberico Pluma 烤西班牙橡果黑毛豬，黑毛豬食落鮮嫩多汁，更帶淡淡油香，另外仲有炸過嘅骰仔豬，可以點刁草醬，中和油膩感，相當滿足。 Banoffee 香蕉拖肥蛋糕，蛋糕帶微甜嘅香蕉香，面層淋上榛果朱古力，朱古力濃厚而不膩，味噌焦糖帶香甜的味道，一齊食提升左整體既味道，非常好味！ Financier 金磚蛋糕，酥脆香緹酥餅同清香的洋甘菊做搭配，食落多層次，充滿香甜、酥脆、清新多重口感。 我地各自嗌左一份Espresso同Mocha，一邊嘆咖啡一邊聽live jazz，勁chill!

望住海景聽Live band🎶🎸 喺尖沙咀藝術館🎨有靚景餐廳可以望住海景食飯，假日下午仲有live Band，相當好氣氛。 星期日一早諗定去呢度食，嗰日咁啱幾大霧，所以景觀就冇咁清晰，有機會第日再嚟過欣賞返個靚景。假日環境相當chill, 有live Band演唱非常relax ！ 餐廳座位播，坐得好好，好舒服，基本上全部位都可以望到靚景。Weekend brunch $480/head, 有前菜、主菜、甜品，可加錢加side dish及飲品。 前菜share, 一共有6款。 自家制麵包、果仁牛油🧈麵包夠熱又香脆，而且果仁牛油好香！ 海鱒魚、鱈魚子及三文魚籽呢個幾鮮味，賣相色彩繽紛。 牛心蕃茄、哈密瓜果醋及海帶，哈密瓜好甜、蕃茄新鮮，而且酸酸地幾開胃。 烤杏鮑菇、法式牛油汁、焦香小洋蔥及榛子 蘆筍、香烤發酵荷蘭醬及脆穀物。炸菇好香，有牛油香。蘆筍爽口。 生牛肉他他、紅椒核桃醬、西洋菜及烤大蒜🧄呢個賣相幾靚、有脆脆可以配生牛肉他他食。 主菜揀咗油甘魚、烤蟶子、香蒜及辣椒及烤西班牙橡果黑毛豬、刁草醬、蘿蔔、芥菜葉。油甘魚魚質結實鮮味，烤蟶子軟軟口感幾入味。配蒜頭辣椒幾惹味。西班牙黑毛豬邊邊烤得幾香，入邊肉質腍身，豬香濃郁。 甜品揀咗吉士撻，撻皮香脆，入邊有黑糖、姜味。另外揀咗香蕉拖肥蛋糕，有香蕉、榛果朱古力、味噌焦糖，蛋糕軟綿綿幾香。 飲品我哋每人叫咗一杯茶慢慢嘆！

最近朋友gathering 比較多，所以都bookmark 左好多間餐廳排住隊試。今次去左Hue Dining，睇中佢個無敵海景同埋Weekend brunch 只係$480/per person, 仲可以加$380 兩個鐘free-flow 香檳，性價比高，又有現場樂隊表演jazz music，氣氛好chill。 麵包係sourdough配黑蒜鹽和果仁牛油幾特別。見到sharing starters 就好開心，有5款咁多，每款都十分精美，視覺的饗宴。最愛salmon配whipped cod roe 和三文魚籽，口感豐富，少少酸，好清新，好開胃。Beef tartar 配紅椒核桃醬和烤大蒜片又幾有特色，好吃。每款starter都好有心思，食材新鮮，帶給我新的味覺旅程。 油金魚煎香了，魚味濃郁，配蟶子和香蒜辣椒，這個組合好有創意。烤鴨做得很好，蠻推薦的。鴨皮脆，肥肉不多，鴨肉扎實，而且不會太熟，配梨子肉和紅茶醬吃，味道也很搭，會想再吃。 最後甜點時間，喜歡簡單的蛋糕可以挑金磚蛋糕，跟persimmon peach tea配也不錯。喜歡多重口感的可以挑香蕉拖肥蛋糕，有香蕉片，vanilla 雪糕，榛果朱古力醬和味噌焦糖，非常滿足。