香港尖沙咀｜Terrace in seaside (Harbour City)

好多時候香港嘅炸雞都做唔到韓國嘅口感 炸雞食落好似係韓國食既口感好正👍🏻 飯卷就一般喇 飲品都係淡左小小😅

去唔到韓國旅行，唯有黎呢間韓國過江龍嘅cafe喇🤣適逢朋友有coupon，仲可以平少少添。🙌🏻 餐廳牆身主打米白色，裝潢簡單。 韓式炸雞一份-無骨 $208 （蜂蜜牛油炸雞+濟洲柑橘炸雞） 蜂蜜牛油嘅味道稍稍偏甜，蜜糖好濃郁，配埋檸檬🍋嘅酸微微中和翻甜度。 濟洲柑橘🍊味道清新醒胃，唔會太油膩。雞肉鮮嫩，薯條🍟炸得香口脆卜卜，加埋年糕簡直係大滿足呀～🥰 傳統紫菜飯卷 $72 牛肉、青瓜🥒、黃蘿蔔、紅蘿蔔🥕係紫菜飯卷必有嘅餡料，去韓國餐廳一定必叫嘅指定菜式。 辣炒年糕 $88 辣醬配上煙煙韌韌嘅年糕，再有魚糕，韓國傳統餃子🥟，非常豐富，又夠飽肚。鍾意食辣嘢同年糕嘅朋友就啱晒你啦😉 熱情金菠蘿沙冰🍹 $48 主打人氣柑橘嘅飲品已經售罄，熱情金菠蘿沙冰清甜，顏色漂亮亦見漸變，非常解渴。 下次一定要早啲去叫濟州柑橘乳酸梳打🍹 💡有加一服務

《韓國人氣過江龍小清新 Café Terrace in Seaside》 Terrace in Seaside喺海港城有間分店，每次經過都大排長龍，今次終於試到。聽講佢喺韓國係一間好出名嘅海邊餐廳，可惜香港兩間分店都冇海景睇，不過裝修都幾有心思，用左唔少柑橘元素，行小清新路線，有種濟州島嘅感覺🌊～ 濟洲柑橘乳酪🍊 $68 店內最signature當然係依杯濟洲柑橘乳酪，外型非常吸睛，飲落酸酸甜甜，十分清新，夏天飲一流！ 士多啤梨提拉米蘇🍓 $68 依個士多啤梨Tiramisu好有驚喜，口感細滑，層次感唔錯，配搭好甜嘅韓國士多啤梨，值得一試😝 傳統紫菜飯卷🇰🇷 $72 每次食韓國嘢都會嗌，餡料豐富，口味正宗，簡簡單單都令人十分滿足。 整體而言食物質素不俗，而且定價唔算貴，用咗海港城coupon之後性價比頗高，唔怪之得咁多人食啦，如果唔使排隊嘅話我應該會經常去，有幾款飲品都想試吓🤣