香港中環｜Crazy Noodles

瘋狂小面主打麵餐 今次我就選擇左瘋狂擔擔面套餐 同埋酸辣粉套餐 個擔擔面就揀左少辣同埋BB麻 雖然係少辣 但係都食到辣辣地🤣 食多幾啖都係要飲嘢 但係辣得好過引😆 鍾意食辣嘅話 建議可以要再辣啲㗎 因為加左面既關係 碗麵好大碗😂 酸辣粉就選擇左BB辣同埋BB麻 呢個辣度就比較適合我多啲😆 唔係好辣 但有少少辣😆😆😆😆 因為想試下啲牛肉 所以都加左 牛肉好入味 而且好淋😍好好味😍 特別要講 啲花生好脆口😍

係中環發現一間好隱蔽嘅小店，係一棟商廈嘅一樓，食四川粉麵嘅店舖😆 Menu有幾個套餐組合可以係粉麵、飲品、小吃同甜品自己配搭～ ✿ 瘋狂牛肉麵套餐 湯底我揀咗紅湯，係好濃郁嘅牛肉湯，夠味之餘唔會死咸個種。辣味好足夠，有地道四川菜嘅味道😋 麵質係新鮮麵條，偏硬身又夠彈牙，係我喜歡嘅質感～ 牛肉用牛腱子，肉質硬淨但又唔會好鞋。 ✿ 涼拌木耳 涼拌汁做得幾好食，用咗辣椒、蒜等配料所以味道好豐富，好開胃嘅小吃🤪 ✿ 成都老冰粉 係香港好少機會食到嘅一款食品。冰粉食落似係寒天或啫喱咁，幾爽滑😋 再配提子乾、山楂粒、花生芝麻等配料。味道好清甜，食埋甜品呢一餐就完滿啦～ ✿ 金桔檸檬 食辣嘢配呢杯金桔檸檬汁真係夾到不得了，酸酸甜甜好解渴，可以中和番啲辣味～ 📍 瘋狂小面 | 中環士丹利街66-72號佳德商業大廈1樓

好耐之前已經試過呢間中環川菜餐廳瘋狂小面，今日再去依然寶刀未老。舖頭以棗紅色同深啡色作為主調，設計傳統又地道。 套餐價$103包曬主菜、小菜、飲品同甜品，超級抵食。 紅湯瘋狂牛肉麵 麵底高質、彈牙爽口，牛肉又嫩又多汁。btw湯底都幾夠辣，唔食得辣嘅朋友記得揀返小辣。 凍柑桔檸檬 蒜泥青瓜 青瓜清爽涼快，加埋蒜香，攞嚟配熱辣辣嘅牛肉麵咁食真係一流。 成都老冰粉 又滑又甜嘅透明冰粉，賣相晶瑩剔透，口感柔滑，好食又解辣。