香港西營盤｜No Milkshake No Life (山道店)

🐻‍❄️[世一邪惡奶昔拉絲芝士三文治 No Milkshake No Life💛] ▪️炸辣雞漢堡配墨西哥脆片 （$89） ▪️麻辣手撕雞烤芝士治 （$85） ▪️抹茶奶昔 （$59） ▪️花生醬朱古力奶昔 （$59） 溫馨提示如果大家想少啲人唔駛等咁耐嘅話 可以選擇搭正嘅時候黎 (eg 1pm 2pm) 因為HKU既學生多數搭半落堂🤣 如果搭正黎大家應該啱啱食完😗

堅抽真煙肉烤芝士治($76) & 新鮮檸檬梳打($48) 聞名於薄扶林大學嘅美式lunch choice(｀▽´) 一份烤芝士治總共有三件，麵包有落牛油烘過，上碟時依然保持鬆化脆口，而且麵包部份採用嘅係丹麥麵包，特色係似將酥皮放咗落麵包到嘅層次感，口感非常酥脆，比起一般三文治用料出色。 內餡主要係車打芝士同煙肉組成，芝士有咬口兼可以拉絲，配搭煙肉比例剛剛好，食三塊都唔覺太漏，仲略嫌唔夠候想食多一件添。 新鮮檸檬梳打就連對於重口味人類黎講都有啲過甜( ･᷄֊･᷅ ) 不過食得依啲萬惡食物，點都要配一杯酸甜又冰涼嘅飲品先爽～ ❍ No Milkshake No Life @nomilkshakenolife 西環石塘咀山道31-37號地下A舖（港鐵香港大學站B2出口，步行約2分鐘） 星期一全日休息 星期二至日 10:00 - 18:00 ❍ 用餐提示 餐廳樓底高﹑裝修行美式風格，係餐具同牆身裝飾都會睇到餐廳係營造美式風格方面落咗好多心思，用色同設計都好fit。不過餐廳座位唔多，經常要等位入座，避開繁忙時間可能會好少少～ ❋ 落單﹑攞餐具都係自助，不設加一。 ❍ 𝐭𝐨𝐝𝐚𝐲’𝐬 𝐨𝐫𝐝𝐞𝐫 堅抽真煙肉烤芝士治($76) & 新鮮檸檬梳打($48) 餐點味道 | ♥︎♥︎♥︎♥︎♥︎♥︎♥︎♥︎♡♡ 抵食指數 | ♥︎♥︎♥︎♥︎♥︎♡♡♡♡♡ 店舖環境 | ♥︎♥︎♥︎♥︎♥︎♥︎♥︎♥︎♡♡ 用餐體驗 | ♥︎♥︎♥︎♥︎♥︎♥︎♥︎♥︎♡♡ 推薦程度 | ♥︎♥︎♥︎♥︎♥︎♥︎♥︎♥︎♡♡ 適合場景 | 休閒用餐、打卡系用餐

🎃Onion Grilled Cheese 三文治係即叫即整 所以去到你面前仍然係熱乎乎的 睇得出麵包落咗好重牛油去煎 外面係好香同埋好脆 入面充滿着淡淡熱溶芝士加洋蔥 呢個份量可以食到三餐😂 不過提提大家 要帶足夠嘅紙巾去 因為會食到隻手肥lum lum 有啲leh hea 🎃Classic Hot Chocolate 食完個咁重芝士嘅三文治 我唔敢叫milkshake飲 以為叫熱朱古力冇咁邪惡 點知佢都好足料 唔係hea溝 大杯到滿瀉 下次一定要試佢哋嘅milkshake