香港灣仔｜Yuki House Ramen

《灣仔人氣拉麵及特色沾麵😝》 1. 櫻花蝦味增拉麵 $88 拉麵入面有叉燒同埋豚角煮，叉燒好大片好腍有焦香味；䐁角煮好厚切，肥瘦均勻，有油香好入味；拉麵冇鹼水味，麵質地好彈牙；湯底方面好香濃味增味同蝦味，鹹度啱啱好。雞蛋有一隻，而且好唐心。 🌟 評分: 8/10 2. 廣島蠔沾麵 $118 廣島蠔有3隻，每一隻都好肥好飽滿；有原隻唐心蛋；沾麵汁超濃郁，而沾麵好掛汁，食落好彈牙；廣島蠔好鮮甜，冇乜腥味。 🌟 評分: 8/10 3. 紫薯栗子餅 $28 炸皮好薄，入面好足料嘅紫薯蓉，紫薯蓉好香甜，栗子幾甘香，整體唔錯。 🌟 評分: 7/10 4. 和風餃子 $38 大約有6隻，餃子皮好薄，入面係好飽滿肉餡，外皮煎到金黃色好香脆，配上和風汁好好味，唔需要沾醋已經好好食。 🌟 評分: 8.5/10 🎖️整體評分🎖️ ❤️ 味道: 8/10 🧡 環境: 8/10 💛 服務: 8.5/10 💙 性價比: 8/10 📍 幸屋 (灣仔) 灣仔機利臣街5-9A號維昌大廈地舖 #hkoverfood_灣仔

服務一流，食物質素中上，價錢合理，每月必食幾次。

好想去日本旅行，好想食拉麵。呢間店之前食過一次，今次就嚟返尋味。 吉列廣島蠔$42 先嚟兩個小食，我哋鍾意食香口嘢，就點了這個吉列蠔，吉列炸粉酥酥脆脆，蠔肉雖然細細隻，但蠔鮮味十足。沾上美奶滋好好味，配上爽脆生菜去油膩感。 日本芝士年糕$38 金金黃黃，圓轆轆，賣相吸引。一口咬下先是軟糯的年糕，然後是creamy嘅芝士，淡淡的芝士奶香滲出，再沾上香甜的煉奶，味道討好。 特濃味噌廣島蠔沾麵$108 廣島蠔大隻肥美，配上檸檬汁，鮮味更突出。我哋鍾意粗拉麵，貪佢口感煙韌彈牙，凍嘅拉麵放入熱辣辣嘅味噌沾麵汁，香味超濃郁，配上香蔥、紫洋蔥、木耳絲、竹筍、半隻糖心蛋各種配料，超級好味。 蝦武士拉麵$88 我選了特濃湯底，鋪滿櫻花蝦，蝦香鹹鮮味十足，配上大量蔥花、木耳絲，超好味。拉麵選了正常硬度，軟硬適中，每一口都掛滿汁，食到唔停口。配料方面好豐富，我選了豚角煮和叉燒各一，肉肥而不膩，肉質鬆軟；另外，糖心蛋軟滑，雖然簡單一隻蛋，配上熱拉麵湯好滋味。