香港 Starstreet Precinct｜Maison ES

放假最好既節目就係約best fd，歎返餐高質既fine dining~今晚book 左呢間位於灣仔星街既「Maison ES」，一嚐廚師團隊以香港地道美食為主題，再以獨特法式烹飪手法，重現港式地道經典口味！ ——————————————————— 今晚揀咗Ta Pantry 15周年 「Le Vieux Hong Kong」 紀念菜單，展現東西方文化互融。 🔹 油甘魚、三文魚子、牛油果、青瓜、白胡椒泡沫，食用花 及 港式羅宋湯汁 -鮮甜既油甘魚刺身以薄片呈上，用上海鹽及初榨橄欖油醃製，更能突顯油甘魚嘅鮮甜味道！上層加入牛油果及青瓜，配以脆口既三文魚籽作點綴，鮮味爆燈！醬汁以港式羅宋湯為靈感煮成凍濃湯汁，酸酸甜甜，惹味開胃，更能提鮮～ 🔹法式乳鴿二食 - 以法式烹調手法炮製出經典嘅傳統乳鴿～ 第一道菜式用上乳鴿胸，經低溫慢煮後，肉質鮮嫩Juicy，每一啖都能夠品嚐到乳鴿嫩滑嘅口感～ 另一道菜式以春卷為主題，以米網紙作外皮，進入香滑鵝肝慕絲、紹菜及黑松露醬，外層香脆，餡料綿滑濃郁，再配上伍斯特醬喼汁啫喱、准鹽梅醬及紹菜伴碟，食起黎清爽，更能解膩，既有創意，烹調手法一流！ 🔹 天使麵配牛油波士頓龍蝦尾、黑魚子、貝殼濃湯和芝士醬 - 靈感取材自芝士龍蝦伊麵～爽嫩既龍蝦肉輕輕以牛油煎香，肉質結實，鮮味十足，醬汁以龍蝦頭及雜菜熬煮成汁，鮮甜香濃，天使麵既麵條掛滿濃濃既龍蝦精華湯汁及加入以多款芝士混制而成既香濃芝士醬，邪惡到爆燈，食得好滿足～ 🔹 美國和牛肩胛肉威靈頓捲配柱侯牛肉燉菜 - 牛肉迷不能錯過～完美演繹傳統廣東菜式 - 柱侯蘿蔔炆牛腩！ 牛腩以美國和牛肩胛扒取代，肉味濃郁，牛脂脂分佈平均，中間釀入柱侯炆牛肉及捲心菜，係令人懷念嘅味道，當晚廚師更即席以柱侯醬熬制經典牛腩醬汁，再慢慢切開威靈頓牛柳，儀式感十足～ 配菜既取材更加令人意想不到～用上慢煮過既白蘿蔔片及鮮嫩芥蘭作為配菜，不禁令人諗起清湯燉蘿蔔及蠔油芥蘭，還原度十足～牛筋既登場更加創意度十足，牛筋經冷凍再切片，風乾後再油炸成脆片，卜卜脆又帶點煙靭，成個菜式層次感十足，大推～ 🔹 法蘭西多士、花生朱古力醬、金黃糖漿脆餅和奶茶雪糕 -最後又點少得甜品環節，同樣以港式茶餐廳經典美食為主題～ 西多士塗滿以白朱古力和花生醬製作而成既香濃花生朱古力醬，搭配熱辣辣香脆而軟熟既西多士，口感綿密，奶茶味雪糕以錫蘭紅茶炮制，加入奶油及茶葉混合制成，茶味香醇濃厚，呈現懷舊港式下午茶經典菜式！ ——————————————————— 餐廳：Maison ES 地址：灣仔星街1A號地舖

𝐌𝐚𝐢𝐬𝐨𝐧 𝐄𝐒是由𝐂𝐡𝐞𝐟 𝐄𝐬𝐭𝐡𝐞𝐫 𝐒𝐡𝐚𝐦所打造，以其獨特迷人的氛圍和創意菜單聞名。一踏入餐廳，彷彿進入了一個夢幻般的法式𝐟𝐮𝐬𝐢𝐨𝐧餐飲世界。復古裝飾和珍貴古董家具營造出優雅而舒適的花園氛圍，讓每一位食客都能沉浸在獨特的用餐體驗中。🥰 𝐌𝐚𝐢𝐬𝐨𝐧 𝐄𝐒以其夏日假期菜單令人驚艷，結合了亞洲不同地區的美食精華，為食客帶來一場難以忘懷的美食之旅！他們致力於為每位食客提供難忘的用餐體驗，將法式經典與創意巧妙結合，每一道菜都展現出獨特的風味和精湛的烹飪技藝。✨

灣仔高質法國fine dining💕價錢親民 法式古宅風餐廳 💕精緻 fusion菜 ! CP值高 ! Maison Es佔地2,300呎，空間寬敞明亮。充滿了法式風情, 環境非常浪漫, 很有氣氛 , 私隱度高 , 好適合情侶 , 慶祝生日 , 紀念日 , 和閨蜜來打卡💕 能享受精緻fine dining , 但價錢非常親民💕推介 浪漫法式烹飪重現經典港式味道 Ta Pantry 15周年 「Le Vieux Hong Kong」 紀念菜單 煎低溫慢煮乳鴿胸 材料: 煎低溫慢煮乳鴿胸，配搭鵝肝、黑松露醬乳鴿髀春卷，伴花椰菜、伍斯特醬喼汁啫喱、准鹽和梅醬。 乳鴿真空低溫烹煮，咬開乳鴿充滿肉汁 , 非常嫩滑，乳鴿外脆內嫩口感 春卷入口爽脆，而黑松露醬和鵝肝慕香濃味道，油封了的無骨乳鴿髀 , 非常細嫩 這道菜非常好味💕 必食👍👍👍👍👍 天使麵配牛油波士頓龍蝦尾 材料 : 天使麵配牛油波士頓龍蝦尾、黑魚子、貝殼濃湯和芝士醬。 龍蝦口感軟熟和濕潤，彈牙. 鮮甜美味 天使麵以龍蝦頭及雜菜一起煮成的醬汁 , 完美地把龍蝦味道吸收。 菜式伴以用車打芝士、格魯耶爾芝士、雞湯及奶油做出來的芝士醬，調教出來的味道香濃厚身，配搭牛油龍蝦，味道更加出眾. 非常美味 必食👍👍👍👍👍 美國和牛肩胛肉威靈頓捲配柱侯牛肉燉菜 美國和牛脂肪分佈均勻，入口即溶，切開牛排肉味濃郁，鬆脆金黃的酥皮非常酥脆，內裏粉嫩的炆牛肉和捲心菜，中間夾著和牛，加上柱侯汁濃郁味道，令人食指大動。 上菜時大廚在顧客眼前切開威靈頓牛排的, 視覺效果十分誘人 油甘魚生 材料: 油甘魚，三文魚子，牛油果，青瓜，白胡椒泡沫，食用花和港式羅宋湯汁 油甘魚生鮮甜 , 油脂味濃 , 羅宋湯汁熬製四至五個小時 , 羅宋湯酸甜開胃，油甘魚的滑溜與鮮味。魚子咸香，恰到好處，配清新開胃的牛油果和青瓜 , 味道層次豐富 法蘭西多士、花生朱古力醬、金黃糖漿脆餅和奶茶雪糕 西多士煎至香脆。花生朱古力醬，香濃無比 . 今次菜式行政主廚 Esther Sham 與餐廳主廚 Eric Cheung，以法國菜作為基礎加入亞洲和健康元素💕 Maison ES將與Mind HK香港心聆合作，於10月14至29日「精神健康餐廳週」，每位惠顧Maison ES 「品嚐菜單」的顧客，餐廳將從收益中捐出港幣$150予Mind HK香港心聆，一定要支持❤️❤️ 看到餐牌 , 午餐三道菜 , 非常抵 $358 起 下星期會再同朋友來💕 環境 9.5/10 味道 9.5/10 服務 9.5/10 衛生 9.5/10 性價比 9.5/10 人均消費$350-$750 店名: Maison Es 地址： 香港灣仔星街No. 1A (入口位於電氣街)