香港中環｜Lantern Lomei

中環總店好大間，門口位置仲擺放咗好多唔同大細色彩繽紛嘅霓虹燈，店內裝飾有懷舊感，店內仲播放緊台灣流行歌曲 呢個阿里山高山烏龍茶系列嘅餐牌真有啲吸引，睇完餐牌就揀咗呢碟 [ 嘉義燻茶鴨滷肉蓋飯 配古早冬瓜茶 凍 $108 ] 份量好多，好大碗，滿滿配菜，仲有半隻滷蛋添，燻茶鴨大大隻又肥美，香氣撲鼻，肉質軟嫩。米飯、餸汁加埋配菜一齊食，真係夠哂豐富，口感滿足。另外飲品配凍嘅古早冬瓜茶，清甜解渴，甜度適中，清涼好飲 涼拌手工烏龍麵就揀咗 [ 野生黑木耳涼拌手工烏龍麵配台式胡麻醬 $78 ] 手工烏龍麵口感順滑彈牙，同台式胡麻醬好夾，烏龍麵掛汁，鋪滿 滿滿口感爽脆黑木耳、紅薑絲、小蘿蔔片及半隻滷蛋 [ 蝶豆花橘香阿里山茶 $28 ] 漸變顏色好吸引，紫色嘅蝶豆花加埋檸檬汁就變成藍色，攪拌一齊飲，味道香甜好飲 呢款小食係 [ 脆炸阿里山茶葉滷蛋 $18 ] 好特別，面層鋪滿 滿滿炸到脆卜卜嘅茶葉，炸到金黃色嘅外層，滷蛋好入味，每口都有茶葉及蛋香味 最後仲叫咗個 [ 廟口鹽酥花枝燒 $58 ] 薄粉脆炸，口感酥脆，食起嚟嘅炸花枝非常好食，仲保留住鮮甜味 燈籠滷味 T.P.E.---中環威靈頓街2-8號威靈頓廣場M88地舖

燈籠滷味 T.P.E. 周不時有新創意，今晚吃過蔗香台式牛肋條湯冬粉便非常鍾意。 蔗香台式牛肋條湯冬粉 $98 以公利特選上乘靚蔗，以高溫逼出鮮甜味道，再以秘方熬製這汁牛肉湯，絕對沒有另外加糖，真是從來未喝過如此清澈的牛肉湯！可能因為蔗糖中和了肉燥，整碗湯都可以飲清而全無膩感。 三塊牛肋條，非常鬆軟入味，恰到好處的脂肪而不覺膩，味道討好而不覺濃郁。 亦吃了： 阿嬤古法滷雞腿、滷肉便當 $88 雞腿大隻，雞皮非常軟嫩皮黏滑，滷水味香，雞髀之下配上大量粉絲、紹菜及粟米粒，以滷水汁調味。 蒜香酸辣炸皮蛋 $38 脆脆炸漿內是皮蛋的獨特口感，不過酸辣醬汁過酸了。

燈籠滷味 蔗香台式牛肋條湯飯 竹蔗係製涼茶嘅好材料，清甜解熱，但原來用嚟熬牛肉湯底，亦可帶出鮮甜美味嘅感覺，中和牛肉嘅肥膩，而且每口飯都食到蔗汁嘅清新。牛肋條煮得份外軟惗，肉味香濃。加入各種菇類，蘿蔔，蔥花等材料，增添住家味道。老人家會好喜歡呢！ 台灣直送蘋果西打 試試台灣直送蘋果西打，蘋果味道濃，因為不含化學色素，所以更健康，養顏，幫助消化，冰凍解熱。難怪適合用作調製雞尾酒或烈酒。