香港牛池灣｜富源潮州打冷美食

去完斧山道運動場跑步，最近宜又有好野食嘅地方，當然就係牛池灣啦。牛池灣眾多嘅好嘢食之中，我就最鐘意富源潮州打冷美食。富源喺牛池灣已經好幾個十年，往往都係座無虛席，讀書嘅時候已經成日幫襯。富源食物好味得嚟唔貴，而且好有人情味👍🏻👍🏻。宜家嘅老板娘花姐好中意同一班食客傾計同飲下酒嫁😆😆。 . . 冰鎮豬手 出面食豬手好多時都係滷水，用冰鎮手法去處理豬手就比較少，因為程序較多，而且最少要雪一晚先會入味。凍食嘅冰鎮豬手其實是一款好惹味的豬手，酸酸甜甜帶點辣，好適合夏天。講返富源嘅冰鎮豬手，我好鐘意食係因為調味非常咁好，豬手皮又夠彈口，唔使怕有果種骨膠原黏口嘅口感，食多幾隻都無問題😋😋。 . . 滷水鵝肉 食潮州嘢要點可以少咗滷水鵝肉？富源嘅滷水鵝肉肉軟滑有彈性，非常入味。香料味道平均，突出滷水味之餘又唔會涸喉。加埋滷水豆腐，點埋蒜粒白醋汁嚟食，先至夠正宗👍🏻👍🏻。 . . 通菜炒牛肉 鑊氣小炒亦係香港地大排檔嘅另一特式。今日我就點咗通菜炒牛肉，通菜新鮮，一啲都唔老，牛肉亦夠薄片，仲好有鑊氣添😸😸。 . . 食到咁上下，終於見到花姐喇😀😀。同花姐飲返兩杯，叫花姐幫我寫兩個好味嘅小菜，花姐記幫我揀咗沙茶醬炒牛肉同芥末牛柳粒。 . . 沙茶醬炒牛肉 牛肉同通菜炒牛肉一樣夠哂薄新，但配上沙茶醬炒，風味完全唔同。牛肉底下係滿滿嘅菜芯，支支菜芯都非常之甜，再配埋沙茶醬食，好惹味好好食😍😍。 . . 芥末牛柳粒 依道菜嘅牛柳粒，配上青椒、紅椒、洋蔥等材料。牛柳粒外面少少香脆、內裡肉好嫩滑。芥末份量合適，少少攻鼻，但又唔會好搶。花姐果然好推介👍🏻👍🏻。

平靚正小菜😋 老板娘好好人

早兩日去開彩虹找朋友拎野， 之後順便同佢一齊食飯啦！佢話呢頭有間大排檔唔錯想同我啤啤佢喎，見你咁積極我緊陪你嘅。但我話大前提有冇野岩我仔仔食先，佢話一定有，咁我就好放心去了。 天氣唔太熱我們選擇座外邊夠哂地道， 我先問了仔仔想食咩先，仔仔即話，豉椒炒蟶子和豉椒炒花甲，好一於叫呢d, 我仲叫左韭菜豬紅，富源 小炒皇和黑椒牛柳。 嘩，炒蟶子和花甲夠哂風味，我地追住食，好快清哂，仔仔都話好味。而韭菜豬紅，豬紅做得唔錯唔易散開，份量好多點一d辣油食好正，韭菜入哂味。 小炒皇就將好多材料加蒜芯一齊炒，所以好夠鑊氣，送啤酒慢慢食一流，因每樣都要慢慢咬。 黑椒牛柳，香濃的黑椒味加上洋蔥，配飯一流，而牛柳亦好淋。 係呢到食，會食得出人情味，因為由我座低起，d 員工已經好熱情招呼我地，又問小朋友怕唔怕熱，洗唔洗座入冷氣房果邊，又會上前問我地野食岩唔岩我們胃口。 我同朋友飲緊啤酒時，果到的老板娘突然會拎住杯酒過來吹兩句，真係好熱情，唔怪得咁多街坊朋友幫襯。