香港深水埗｜Hong Chang Dim Sum Restaurant

傳統港式茶餐廳，充滿人情味，伙記都超好人，食物快•靚•㊣，朋友大力推介咖哩煎雞排飯(HK$4x)，佢話以前深水埗返工都係叫呢間餐廳嘅外賣咖哩，超好味咁話。我就鍾意食碟頭飯，菠蘿生炒骨飯(HK$4x)，超好味道呀，甜酸汁味道啱啱好，生炒骨脆口同醬汁非常夾，仲要好夠熱，心急差啲辣親咀(哈哈)，抵食且好味，本身就包熱餐飲，轉凍飲都係加2蚊，飲品又夠濃味(本人很愛甜，怕甜不妨叫少甜)；茶記入面有電視，食客可以一齊煲劇添，係傳統茶餐廳先食到呢種環境同味道，讚！

價錢公道及食物水準很好

沙嗲牛肉通粉+奄列+牛油方包 好好食👍👍，沙嗲牛肉好滑同嫩，食得出係新鮮牛肉，唔係凍肉貨仔 杯奶茶 茶味香濃，又夠滑 $30有找，可以食咁多野 有杯茶飲 仲有湯送，食物質素又唔差，係香港真係好難搵到了