香港長沙灣｜馬師傅菜館

好好好有水準潮州菜！！！！！ 首先講服務 全部員工做事都非常積極 而且賓賓有禮 我好鐘意呢種工作心態 食具都乾淨企理 唔會有油 餐牌又多選擇 🤭 第一次入去試點心已經覺得好正 今次叫左少少點心同兩碟小炒 水瓜基圍蝦 蝦新鮮又好鮮味 用料十足 師傅仲整走中間啲殼有挑蝦腸 鮮味入到瓜肉 而蝦仲好鮮甜 超好味~ 地瓜球係我至愛 外脆內軟 我下次去一定自己食一碟🫶另外嗰幾樣冇影 因為掛住食😉 而家仲有keep住去食 keep住更新！！

選擇多，有冇例湯好正， 芙蓉蛋飯好好味 咩都有得食炒粉麵，燒味都有 放飯食lunch係唔錯選擇

我地前排去左間懷舊嘅菜館食Lunch 聽屋企人講依家有得飲茶嘅菜館買少見少 因為通常依家嘅菜館只有小菜食 但呢間馬師傅菜館仲保留左有點心呢個特色🤩 所以就決定去試下佢嘅手勢 🌟馬師傅鮮蝦餃 2粒 （$20） 蝦餃啲皮好彈牙 晶凝通透🥟 而且又好大粒蝦 好滿足！ 🌟蟹籽燒賣皇 2粒 （$20） 燒賣上面有一隻好大嘅蝦仁同粒粒蟹籽🍤
餡料用左蝦同豬肉 比例平均 🌟潮州蒸粉粿 2粒 （$18） 粉果嗰啲皮一樣好彈牙 煙煙韌韌 其他酒樓啲皮又散又腍 比較起黎呢度真係好出色
而且粉葛、花生、同肉嘅分量都好均勻 🌟五柳炸雲吞 2件 （$18） 五柳炸雲吞炸到脆卜卜 一啲都唔油膩 加埋甜酸汁一流 超開胃 🌟 普寧灌章 2件 （$20） 呢個喺其他酒樓係好少有得食 我地都係第一次食 呢款係潮州點心 味道類似煎蘿蔔糕 但佢外層係用腐皮包住 真係好有驚喜 超好食！😋 🌟燒味雙拼飯(叉燒/燒腩仔）奉送是日燉湯一盅 （$66） 雙拼飯嘅叉燒好彈牙 口感特別 燒腩仔亦都夠腍 係經典嘅燒味飯 好少菜館會附送燉湯咁正 而呢個燉湯係木瓜雪耳瘦肉湯 木瓜味好出 味道清甜 飲得出係屋企煲嘅湯 冇落味精 呢度嘅點心比起連鎖酒樓真係好食好多 仲有懷舊老香港嘅味道 幾有特色 所以好推薦俾大家🥰