香港長沙灣｜金拇指米線

要乜有乜嘅工業區茶餐廳 朋友在荔枝角工作,帶咗去一間佢成日食嘅餐廳, 其實我一直都好喜歡茶餐廳㗎, 因為茶餐廳嘅選擇好豐富而且價錢合理。 去到這間茶餐廳，超大空間，感覺好舒服又乾淨, 美食仲有驚喜。😍。外賣自取再有85折。 一入去見到個美食餐牌，超多選擇又有咖哩又有燒味又有米線及茶餐，令我突然間唔知揀咩好，樣樣都想食，但其實我最鍾意食嘅就係茶餐廳嘅咖哩，因為每一間都有唔同嘅味道，另一邊廂我愛炒嘢， 因為可以知道呢個廚神技巧如何， 下午茶時段價錢好抵食， 而且唔會好多人。😁 咖哩牛腩飯 - 咖哩牛腩飯一到慨時候，濃郁嘅咖哩香味撲鼻，令我胃口大增， 我本身係怕辣， 呢個咖哩有少少辣，所以我覺得好味 ，加上啲牛腩好淋, 美中不足就係杯凍檸茶,茶味如果濃啲就好喇。 乾炒牛河 - 最喜歡有鑊氣嘅乾炒牛河，食物特別滋味， 牛夠鮮嫩， 味道適中。 乾炒豬扒意粉 - 厨師加左黑椒，令味道提升，另外豬扒好多， 第一次見有加椰菜嘅乾炒豬扒意粉，令我感到有一種小清新，減少肥膩嘅感覺， 值得一讚。

同區最抵食，份量大，味道足。座位舒適

工廠飯堂,環境舒適,員工效率快捷