香港荔枝角｜御名園

御名園【荔枝角 高質粵菜】 御名園有幾間分店，之前都有食過佢嘅海鮮中菜餐，龍蝦🦞好出色，今次同朋友再嚟試埋小菜套餐。 我地叫咗《御•鮮薈》套餐 4人份。套餐包括： 🥢沙薑豬手拼醬香小青瓜 🥢御膳佛跳牆灌湯餃 🥢XO醬碧翠炒蘭花蚌 🥢孔門魚咬羊「淮陽浸釀海花斑」 🥢去骨黑白胡椒燒鵝皇 🥢紅茄鮮竹泡菜苗 🥢乾煏金磗馬拉糕 🥒🐽沙薑豬手拼醬香小青瓜 沙薑豬手幾入味，豬手洗得乾淨無毛👍🏼 醬香小青瓜，醃到啲青瓜酸酸辣辣好開胃，啲青瓜超級爽脆！ 🥟御膳佛跳牆灌湯餃 好足料，個湯有魚翅、海參、灌湯餃超大粒。 🫛XO醬碧翠炒蘭花蚌 荷蘭豆好爽甜，配上XO醬幾惹味。花蚌嘅鮮味令整碟菜更入味。 🐏🐟孔門魚咬羊「淮陽浸釀海花斑」 呢個菜式超特別，應該無咩地方食到！佢係魚肚嘅位置釀咗羊肉入去，呢道菜都幾考功夫。 魚肉鮮甜，配上濃濃嘅羊肉味，味道好有層次！而且魚仲配上湯加疏菜，疏菜吸晒魚同羊嘅精華，好鮮甜！ 🪿去骨黑白胡椒燒鵝皇 係無骨嘅燒鵝😍 燒鵝皮脆肉質嫩滑，比平時食開嘅燒鵝特別，佢有淡淡嘅黑白胡椒味。 🍅🥬紅茄鮮竹泡菜苗 用咗上湯煮，有蕃茄、鮮竹、木耳、芹菜，好健康嘅一道菜👍🏼 🍰乾煏金磗馬拉糕 馬拉糕個皮係脆嘅，入面就好鬆軟，又唔會太甜👍🏼

試咗個龍鳳配 金湯焗西澳洲龍蝦伊麵 乾蔥頭抽文昌雞半隻 呢個套餐都只係$338 另外叫咗兩個燉湯 瑤柱鮮淮山水雞湯 黃金石斛燉響螺湯 燉湯都只係$38 同$44 全部真材實料 非常超值 再叫多兩個小菜 鮑魚汁花膠炆豆腐 黑木耳鮮百合炒勝瓜 埋單都唔洗$700 每碟嘅份量都好大碟 平時食7成飽嘅我 今日都食超過9成 因為真係好好食 最後店員仲送埋糖水 蛋白杏仁茶 杏仁仲要係生磨 又香又滑 甜度適中 終於食到十成飽 亦十分滿足

今次食呢個係4人餐，會有八道菜+甜品，當中比較特別係「孔門魚咬羊」，原來係新鮮海花斑魚肚位置釀入免治羊肉，令鮮甜嫩滑魚肉帶有陣陣羊羶味 而「御膳佛跳牆灌湯餃」真係超足料，爸媽邊食邊大讚，湯頭鮮甜濃香，而餃內有齊鮑、參、翅、肚及蟲草花，呢個好好食 另外「去骨黑白胡椒燒鵝皇」，肉質肥瘦適中，仲用咗黑白胡椒做成秘製醬汁去醃製再燒，外層皮脆而鵝肉嫩多汁帶香 最後想講呢款「乾煏金磚馬拉糕」，同平時食好唔同，面頭係焦脆，但內裡係軟綿口感，仲滲出淡淡黑糖味