香港荔枝角｜House of Joy

部門今年春茗，原本打算到D2嘅某問著名酒樓食午飯，但因為預早訂都訂唔到檯，結果揀咗呢間，估唔到有意外驚喜！ 呢間餐廳喺饒宗頤文化館裏面，上下兩層，似 ballroom 多過似餐廳，佈置同設計完全適合搞婚宴或者係二三十人嘅party，氣氛可以好遊閒又可以好熱鬧。今日老闆請所以食豪啲，個個都嗌Deluxe Lunch Special，不論係餐湯，頭盤，主菜，甜品定餐飲，都有好多好選擇：烤鴨清湯好的式但好清新；香煎鵝肝配自家製 duck terrine + poached pear 可以話係全餐裏面嘅 highlight，好rich，煎得啱啱好又唔會感到好膩，神之食！焗西班牙伊比利亞羊扒都幾大份，肥廋均勻好鮮嫩；蘋果撻同榛子蛋糕做得精細又好味。同事們嗌嘅其他選擇同樣各有特色，當中嘅泥蟹湯，焗鴨肶同 12oz US Prime Hanger 大家食完都讚不絕口。埋單每位大牛一張，但性價比好高，完全合乎一分錢一分貨嘅精髓。 總括嚟講，呢度食品質素好高，無得輸。個vibe都唔錯，尤其老闆喜歡呢度嗰圓枱唔會太大，六七個人坐埋一齊傾計親切好多。唯一有兩個 minus：第一係上菜慢，原本諗住食一個鐘鬆啲，結果食超過兩個鐘；第二係呢揸車嚟食唔太方便，走嗰陣係單方向由青山公路離開，返沙田同新界會方便，但返出美孚或市區就要兜路有啲麻煩。但係講到食同嘆茶，我已經 bookmark 咗呢度，幾時得閒再返嚟！😋

難得的假日，散步到饒宗頤文化館走走，這是一座香港三級歷史建築文物，來這裏感受一下濃厚的文化氣息之餘，還可以享受一下與郊外般的寧靜和寫意。 原來這裏還有咖啡店和食店，行到攰，就來到悅滿軒嘆番個fine-dinning，享受和寫意有時就係如此簡單。想不到這裏地點比較偏遠，食客人流量卻十分之高，不過食完呢餐就明點解，原來因為呢度啲嘢食真係超級好食，下次嘅假日我也會再來走走吧！ #香煎日本帶子配牛油果沙律 習慣餐前都來一點綠色蔬菜🥬，所以就叫咗呢款沙律🥗，今次呢個沙律味道清新，有別於一般黑醋汁，同樣是酸甜的感覺，更喜歡熱情果汁來得更好吃更開胃，也沒有黑醋的苦澀。沙律中的牛油果，口感creamy，good fat brings good health👍帶子也煎得剛剛好恰到好處，一邊焦香一邊爽甜😋 #美國牛腹肉他他配蒜蓉包 如果鍾意食牛肉嘅，一定不能錯過這款牛腹肉他他，質地鮮嫩，配以九種調味料，可自行Mix and Match自己喜歡嘅味道，再放落鬆脆可口嘅蒜蓉多士上面一齊食，兩個字：香甜！ 真的，食過好多牛肉他他，數這裏的最好味😋👍 #碳燒西班牙伊比利亞羊架配自家製羊肉腸 雖然我唔知道伊比利在哪裡，但是我可以好肯定地告訴大家這個羊架真的不能錯過！一切開羊肉就見到那嬌嫩的粉紅色，吃的時候嘴裏彷彿是在吃棉花一樣，有一種覺得完全唔需要咀嚼般軟綿綿的質感，兩個字：享受！ 而且有四支骨，份量夠我和老公開心share食，價錢唔貴，二百幾蚊，絕對是性價比高👍不過如果早知咁好食就一人一碟🤣 悅滿軒 地址: 美孚青山道800號饒宗頤文化館H座

文化氣氛圍繞的西餐廳（法國菜） 除了可以品嚐美食外，亦可以遊覽一下文化館 #香港美食 #九龍美食 #美孚美食 #法國菜 #西餐 #文化氣息 #Foodie #食通 #Yummy #うまい #Tasty #美味しい #珍味 #Delicious #デリシャス #おいしい #oishi #相機食先 #Foodpic #食べ物 #食べ物の写真 #Work_Hard_Eat_Hard #Eat_the_world #香港料理 #HKFood