香港荃灣｜SC Cuisine

好耐都無早餐飲個茶食個包喇！ 呢日早上同男友去開荃灣嗰頭，諗起之前上網見過有呢間即點即做手作點心店好似幾唔錯，而且聽講點心師傅喺日本東京富麗華做咗好多年，專為高層、名人同明星服務，又喺香港多間米芝蓮酒店同大型連鎖酒樓集團做主管，經驗好豐富~加埋餐廳係自家品牌，當然唔會錯過啦！ 🧡齒頰留香脆蘿蔔腸（$35） 腸粉皮包住啲脆脆，入面帶有軟淋蘿蔔絲，軟脆口感非常夾，唔錯！ 🧡濟寧蒜香蝦春卷（$36） 春卷炸得香脆酥口，餡料飽滿結實，蒜香味十足，好食！ 🧡咱家秘製叉燒包（$21） 叉燒包入口舒服，餡料高質，醬汁濕潤調味好，肉質爽淋唔乾柴，肥瘦適中，讚！ 🧡月半灣晶瑩鮮蝦餃（$20） 蝦餃大大隻非常飽滿，內裏包住有足兩隻蝦，蝦肉新鮮，咬落爽口彈牙充滿蝦味！ 🧡黑松露北菇燒賣皇（$18） 大大粒燒賣，黑松露味突出，燒賣肉質厚實，咬落充滿豬肉香氣！ 🧡黑椒醬皇金錢肚（$30） 黑椒味香濃，金錢肚夠哂爽口，份量亦好足！ P.S. 呢到嘅姐姐服務態度非常好，加分！

性價比好高。下次想食點心，我會再嚟依家幫襯。同類型點心店 ，我覺得完勝添好運 。

今日我和朋友來了這間中菜館吃晚飯。 我們點了三道菜： 密椒薯角一口牛也非常令人回味！薯仔煎炸過，外皮很脆，加上外皮上面的芝麻粒，吃落更香口；牛柳粒夠熟之餘但不會太韌而且多汁惹味，值得翻叮！ 金不換三杯雞煲 非常夠火喉夠熱，香料味道濃郁，非常惹味，如果配上白飯吃，讚！蒜頭、一子葱也炒得非常入味但略嫌太多太油。 豉蔥南瓜炆涼瓜 一到非常之健康嘅蔬菜，啱晒減緊肥嘅我，而且苦瓜炒得唔算太傅，南瓜又唔會太林，全部啱啱好 聽講餐廳師傅曾就職於日本東京富麗華多年，專為高管達人和明星服務，回港後在多間米芝蓮酒店及大型連鎖酒樓集團做主管，經驗豐富，唔怪得普通小菜都整得咁好啦