香港荃灣｜Dim Sum Bar

已去過 ~ 點一龍 ~ 食點心放題三次 鍾意食點心 覺得超抵 😂😂 * 三次去光顧 出品都快 不過今次甜品種類 無之前咁多款 & 好味 但都明白 今年食材各方便都上升🤑🤑 🎈 相片前幾張是 2023 🎏 後幾張是 2022 🤭🤭

高質點心放題，免茶水，一人食： ✨炸生蠔，脆雞，炸豆腐，炸茄子拼盤 ✨金柱帶子鳳眼餃 ✨大蝦燒賣 ✨晶瑩海蝦餃 ✨醬皇蒸鳳爪 ✨金橘蒸排骨 ✨杞子小籠包 ✨紅油抄手 ✨口水雞腸粉 ✨雪影金腿叉燒包 ✨古早味鮮蝦銀針粉 ✨清灼生菜 ✨薑糖蕃薯芋圓糖水 蝦餃皮薄餡靚，裡面隻蝦都幾大同彈牙，點心精緻，環境乾淨，坐的舒服，交通又方便，就係荃灣西站如心廣場。 $206蚊，限時90分鐘，記得做埋會員，有優惠👍

荃灣點一龍係我同家人定期都會光顧既點心小菜館。記得初初開業既時候主打全日供應高質點心為主，後來餐單好似豐富左好多多左各式小菜主食甜品，務求做到多元化各適其適。 同傳統點心舖頭唔同，呢間點心店行比較高級路線。由舊鋪搬左新鋪好一段時間，係如心酒店旁地方大左裝修再靚左好多。 鍾意餐廳夜晚去都可以食到點心同埋小菜 晶瑩海蝦餃 $39 洛神仙子素玉餃 $39 兩個人叫兩個點心剛剛好，海蝦餃大隻，真正做到皮薄多汁，因為我食嘅時候冇為意爆汁唔小心噴到對面嗰個成身都係。而洛神素肉餃睇相幾靚，紅紅地色，餡有粟米同埋有啲素肉喺入邊。但係呢個我覺得比較淡口，冇蝦餃咁出色。 . 彩虹百合炒蝦球 $108 小菜叫咗一個炒蝦球，雖然蝦球冇餐牌張相咁大隻，不過都爽脆嘅嘅。 . 瑤柱XO醬煙肉脆脆炒飯 $103 我自己一向都幾鍾意呢個炒飯，差唔多次次黎都有叫。因為佢有香口嘅油炸鬼粒同埋少少煙肉提味，炒飯都幾香口。 . 原汁原味西瓜糕 $44 西瓜糕賣相好靚，打卡一流，係一個有西瓜樣子嘅冰凍甜品，凍凍地係西瓜啫喱嘅口感。餐廳有提供梅粉提味，不過我自己就覺得原味好食啲，通常我食到最後先加少少梅粉增加下新鮮感。 楊枝甘露 $40 要數我最喜歡菜式一定係呢到既楊枝甘露！首先楊枝甘露既口感軟滑起泡，甜度適中，分量係我覺得兩個人分享都足夠。雖然芒果肉唔算好多，但作為飯後甜品已經好足夠。 . 總結：值得一提係餐廳既服務水平唔錯，特別係有一兩個服務員幾熱心值得一讚。餐廳午市仲有提供任食點心選擇，我見餐牌入面都有好多款選擇，下次再黎可以試下。