香港青衣｜Crystal Jade Chiu Chow Kitchen (Maritime Square)

今晚好難得約到幾個friend聚舊，因為大家都中意食潮州菜，所以book咗位於青衣城嘅翡翠潮州小廚，順便可以行下商場。 第一次嚟呢度，地方都算大，我地坐四人卡位，坐得鬆動，好適合食飯傾計。我地點咗： 潮味優惠套餐 (海鮮蠔仔粥，至尊鹵 水鵝拼盤) 南乳花生炆豬手 懷舊咕嚕肉 海鮮蠔仔粥同至尊鹵水鵝拼盤份量都幾多；海鮮粥材料豐富，有蠔仔﹑蝦﹑帶子﹑墨魚﹑柴魚 ... 等 , 夠晒鮮甜；鹵水鵝拼盤都大碟，鵝片唔肥，鵝腸﹑鵝肝﹑腎﹑豆腐 ....等好入味，係食潮州菜必食之選。 南乳花生炆豬手好味道，豬手夠淋。 懷舊咕嚕肉超好食，咕嚕肉外脆內軟，酸甜度啱啱好，我同啲 friend 都勁贊。 我另外點了一杯飲品 - 紫薯豆漿冰茶，估唔到紫薯，豆漿同冰茶都可以調製成咁好味嘅飲品。 最後仲值得一贊係呢度嘅侍應，服務態度認真，非常有禮貌。今晚冇揀錯地方！

. 好耐無食潮州菜了 特別喜歡蠔仔粥既我 決定天氣涼少少即刻去食🥰 呢度既潮味套餐可以食晒潮州菜既主打~蠔仔粥同鹵水鵝拼盤 有鹵水鵝片 鵝肝 鵝腸 鵝腎 等等 香得黎唔會太咸 有平時打冷既感覺👍🏻 海鮮蠔仔粥超多料 有大量蠔仔 大蝦 帶子等等 潮州粥既水會比較多 可以飲多2碗 好鮮味😋 . 小菜點左菠蘿咕嚕肉同魚香茄子🍆 火喉十足 絕對完勝左平時大排檔既質素 咕嚕肉真正既外脆內軟 呢個平時好少食到係咁好食 甜酸味亦剛剛好 魚香茄子煲仔上 夠晒熱辣辣 專登叫左碗白飯黎配啲餸❤️非常好食 花生豬手亦炆得好軟腍 如果再重味道少少會更佳 份量也相當足夠😍 . 餐廳定期會有唔同既特飲 冬天最好飲返杯熱既黑糖百香果綠茶 唔會太甜 可解膩😙天氣凍就最適合飲呢個～

潮式菜館，服務十分之好。環境及座位都不錯。自助點餐，三式潮式拼盤非常好。