香港青衣｜Paradise Dynasty

樂天皇朝 (青衣城1) (青衣) 📍 青衣青敬路31-33號青衣城1 3樓310B號舖 心血來潮想食上海菜，黎到方便就腳的青衣城一嘗久仰大名首創的「樂天皇朝」八色小籠包及其佳餚。 餐廳位於青衣城3樓，剛好入坐於窗邊位置，俯瞰整個青衣城餐廳景觀🥰店員服務殷勤有禮，呈上盡顯矜貴金色不鏽鋼茶壺🫖消滯解膩普洱。仲有清甜栗子花生🥜做小食，不錯。 醋海蜇伴青瓜（HKD 88):醋味偏酸配上爽彈海蜇，脆口青瓜，酸味味好開胃，食吾停口。 八色小籠包（HKD 142):：分別係原味、川味、蒜香、黑松露、芝士、蟹粉、鵝肝、糟溜絲瓜。 由淡味食到濃味，新鮮熱辣出爐，皮薄餡多，湯汁與肉餡相得益彰，最驚艷是連肉餡都充滿濃郁川辣味為之驚艷，每一粒湯汁清甜而不膩，視覺上真係有十八層摺最少，廚師功架十足。 糖醋魚片（HKD 108):望到已經垂涎欲滴，一大片自家菠蘿肉🍍再配搭香脆肉質嫩滑魚肉，外脆內軟，甜酸汁香氣撲鼻，仲可以有解膩功效，仲有交通椒做伴碟，魚塊炸至金黃脆身，均勻蘸上甜酸汁香脆可口。 上海炒年糕（HKD 93):上時醬汁香氣四溢，每一舊年糕完美地蘸上醬油，不論顏色還是調味都極為吸引😍黃牙白爽脆無比，年糕軟糯有咬口，煙煙韌韌，相映成趣，仲有豬肉絲增加口感，如果加埋乾冬菇咁就再更上層樓。 上海炒飯（HKD 95):：炒至粒粒分明，醬汁有好濃郁豉油味，上海炒飯最主要夠多翠綠青菜🥬莖，再加上大蝦🍤同蛋增加口感，切丁的火腿逼出油滋，份量十足，每粒飯都入曬味，不錯👍🏽。 滋補薑茶湯圓（HKD38):薑茶行氣活血，滋補養顏，配上流心芝麻爆饀湯圓。 宮廷驢打滾（HKD 48):軟糯皮煙煙韌韌，裏上紅豆餡，甜度適中，加入牛奶製成皮🥛增添風味，表面有大量黃豆粉增加香氣，一食愛上。 總結： 上海菜翹楚 食物質素高 會再光顧 #青衣城#樂天皇朝#八色小籠包#糖醋魚片#上海炒飯#上海炒年糕#滋補薑菜湯圓#宮廷驢打滾

職員服務態度良好，特別是阿麟同Koey有問必答，用心解釋菜式嘅不同，食物質素非常高質！特別依個蟹黃炒飯，粒粒分明，而且蟹黃鮮味濃郁，亦不會過鹹，令人難忘。

原始小籠包能歷久不衰，皮薄餡靚不易破，咬開後吸吮湯汁，蟹粉餡餅有意外驚喜，餅皮外酥內有蟹香氣👍🏻