香港牛頭角｜潮順館 (九龍灣店)

呢間新開嘅潮州菜館係間價錢唔平嘅餐廳，但每日都坐滿曬人，應該係好正嘅食物先至會咁受歡迎。所以，我今日就決定嚟到呢度食下啦。 今次我主要試咗佢啲潮州鹵水，揀咗一個三寶飯同一個鵝片飯拼墨魚。三寶飯入面有鵝肉、鵝腸同鵝肝，仲有半隻鹵水蛋。我發現佢嘅鵝肉好入味，鹵水好香，而且都算軟熟唔錯。鵝腸好爽好彈牙，亦都夠曬肥啱曬我嘅口味。不過，最驚喜嘅就係個鵝肝，好滑有酒香，真係好正。但係三寶飯入面只有嗰四五舊少啲，唔算太夠。 佢嘅鵝片飯同之前嘅鵝肉有得揮，都係夠曬軟熟同埋入味。唯一唔太滿意嘅就係墨魚，有少少淡，可能係我嘅口味問題啦。 我仲加咗錢要咗個麻香蓮藕，初時以為係麻辣嘅，原來係芝麻醬嘅，好特別好好味。 午餐兩個碟頭飯連嘢飲埋單180蚊, 喺呢區嚟講算係好貴, 不過又真係幾好食, 值得推介!

上星期boxing day一家人係九龍灣行完街街去食晚飯，好耐冇試過潮州野。 鵝片雙拼（牛展） 鹵水都幾出色，份量都幾多，刀工非常出色，鵝片肉質細嫩牛展好軟腍，啖啖肉而且好入味，墊底嘅豆腐吸收哂鹵水精華，仲好滑溜添。 特色鹽香雞（半隻） 雞肉香滑嫩口，連雞胸肉都很嫩，鹹味適中。 雞煲翅 $108 Lee個雞煲翅砂煲上，熱辣辣辣，魚翅一梳梳好足料，一d都唔吝嗇，雞湯超濃郁👍🏻推介。 潮陽鵝粒砂鍋炒飯 $138 炒飯用砂鍋上，就聞到陣陣香味，有大量鵝粒同蝦仁，炒得有鑊氣又夠乾身，粒粒分明。 蠔餅 $138 炸得好酥脆，蠔又大隻都幾多添。

除夕當然食餐好，屋企附近新開的潮順館，見好多人幫襯就試下啦。呢間係食潮州及順德菜，滷水及小菜都唔錯👍 今次點了： 🦑鵝片拼墨魚：鵝片嫩口唔韌，墨魚爽口彈牙。 🦈紅燒煲仔翅：好足料有很多魚翅，味道適中。 🐠金沙魚皮：魚皮很脆，加埋濃郁鹹蛋黃好好味。 🍲順德卜卜蜆：蜆肉鮮甜，帶點微辣好惹味。 🍚富豪炒飯：炒飯粒粒分明，有甘香鹹蛋味。仲有蝦、瑤柱同菜心，仲好大碟。 整體味道唔錯，份量唔細，新開仲有折扣優惠，下次要再試其他☺️