香港觀塘｜Hotpot Foodie

有朋友介紹過呢度食雞煲放題好抵👍🏻仲要係冇限時😍亦都係用咗歌姬小狗去做主題嘅一間火鍋店，入到去坐低之後我哋揀咗$368一位放題，食物種類款式會多啲，呢度係分咗先後次序既食法 Round 1 係餐前小食，可以俾你任叫，但係當你同店員講話佢round 2嘅話，呢個任食小食係唔可以再食㗎喇 Round 2係非常新鮮嘅日式刺身，呢一個回合嘅食物都係一次性，唔可以任食，但係刺身種類都有五款，份量都會因應人數比例去提供，所以唔怕會少 Round 3就係魚煲或者雞煲二選一，雞煲係可以食完加雞肉，但係魚煲就係一次性，冇得再添加 Round 4 就係可以開始打邊爐，同店員講叫咩湯底，店員就會幫你換過一個你所選擇嘅湯底嘅煲，就會開始俾你打邊爐，亦都同時間會上埋海鮮拼盤同牛肉拼盤俾你，其實食到呢度都已經開始有飽肚感，因為海鮮拼盤同牛肉拼盤都唔會少，擺盤亦都好靚，兩個拼盤分別都有八款種類提供 如果你食到呢一度都係覺得唔夠喉嘅話，仍然仲有其他打邊爐嘅配料俾你任食，而且種類非常多👍🏻所以呢個價錢真係好抵，一大班朋友來任飲任食就至抵了

約左好耐冇見既朋友係觀塘食飯 佢介紹左呢間為食火鍋公司 話最好係唔限時 可以慢慢傾 而且咩都有 一定有岩食 原來呢到真係咩都有 由小食 、刺身 、酸菜魚/ 雞煲、海鮮 到打邊爐 見到已經覺得超豐富 由於太豐富 揀左$288 既套餐 覺得已經好夠食 呢到既食法幾得意 係一路順住食 食完一part先一樣part 同一part食完/ 唔夠食可encore 但去左下一part 就冇得番轉頭 小食 有炸薯條、甜蕃薯條、唐揚脆炸雞、蟹籽沙律、酸甜炸大腸、鮑汁雞腳 全部都叫晒黎食 全部都好味喎 最欣賞個蟹籽沙律 好開胃 炸雞炸到好嫩好脆 刺身 有三文魚 、北寄貝 同赤蝦 份量都唔少 仲會俾大大隻赤蝦 食落都好新鮮 酸菜魚/ 雞煲 雖然雞煲可以任encore 但揀左酸菜魚 小辣 酸酸辣辣 好開胃 店員提醒一滾起就可以關火食 所以食落魚片都幾滑 之後就打邊爐了 揀左番茄薯仔湯底 配埋一陣既海鮮一流 先黎海鮮同牛肉拼盆 海鮮五款 有鮮蝦、蠔、蜆、半殼元貝、白鱔片 蠔 同蜆都好鮮甜 蝦就爽口 牛肉拼盆 有潮汕吊龍伴、黃喉、手切牛頸脊、熊本雪花一口牛、SRF和牛肩胛肉眼芯 比較特別係潮仙牛肉 同平時食開既唔太一樣 同 黃喉 食落勁脆口 另外仲叫左豚肉 羊肉 丸 魚皮 餃子 紫菜響鈴 一定要叫 出面未食過 仲係出面自助bar 拎左d 菜 最後見到佢有手打烏冬 忍唔住叫左 最後飽到捧住個肚走呀

為食火鍋公司-觀塘 今次黎到呢間位於觀塘既一間全食火鍋餐廳，距離牛頭角地鐵站步行5-6分鐘就到，快常方便就腳。店舖內非常闊落寬敞舒適，裝修以狗狗為主題，但店內並非有狗仔走黎走去，但整個店舖都充滿哥基的相片及公仔非常可愛。 今次就選擇左「冇限時火鍋盛宴-豪食套餐」 成人$368/1位，冇限時呢一點真係相當的吸引。套餐包含多款既小食、刺身、雞煲、海鮮、牛肉片、仲有大量唔同款式既配料選擇，真係非常抵同滿足。 是日燉湯 蟲草花紅棗雞肉湯 今次原來仲有燉湯，燉湯非常足料，味道非常香甜，溫度非常熱辣辣，天氣凍凍地飲返碗燉湯非常溫暖。 ROUND1餐前小食 唐揚脆炸雞、蟹籽沙律、酸甜炸大腸、鮑汁雞腳、炸瘋薯條、甜蕃薯條 炸雞、炸大腸、炸瘋薯條非常香脆，炸雞的雞肉嫩滑多汁，蟹籽沙律都很清新。小食當中個人最為喜歡的是鮑汁雞腳，味道香濃雞腳煮的很軟滑入味。 ROUND2 前菜 五點刺身盛合（一次性） 三文魚、大蝦、北寄貝、吞拿魚、帆立貝 刺食非常新鮮，餐廳很細心於刺身底部放了冰碎，可以令刺身保持冰冷感。各種刺身都非常肥美，北寄貝都非常爽口彈牙，大蝦都非常大隻新鮮。 ROUND3頭盤 任食寵寵雞煲 食完刺身店員就上雞煲了，今次叫了BB辣所以味道剛剛好。雞煲雞肉很足夠。雞煲食完仲可以再再叫店員添加，雞肉味道方便很香濃，非常抵食。另外雞煲會附上魷魚及豬皮，可以放入雞煲撈埋一同煮，魷魚及豬皮沾上雞煲的醬汁原來都幾好食又惹味。 ROUND 4火鍋盛宣 湯底 櫻桃鮮茄薯仔 豪食海鮮拼盤 是日6-8款（一次性） 鮮蝦、蠔、蜆、蟶子、脆肉鯇、龍躉片、鮑魚 豪食牛肉拼盤 8款（一次性） 潮汕五花趾、吊龍伴、手切牛頸脊、黃喉、澳洲封門牛柳、熊本雪花一口牛、SRF和牛肩胛肉眼芯、SRF和牛三角肉 湯底方便我地選擇左櫻桃鮮茄薯仔，味道很清甜，而且作為火鍋湯底感覺非常舒服。另外，套餐配有一次性的海鮮拼盤及牛肉拼盤，各種海鮮都非常鮮甜，個人很喜歡當中的蟶子，非常爽口鮮甜。牛肉拼盤方面，每款牛肉口感都很出色，牛味都非常突出。而個人最為喜歡當中的潮汕吊龍伴，其他部分都很出色。黃喉最為特別，口感非常爽口，值得一試。 任食火鍋配料 澳洲M8和牛肩胛肉 美國Prime肩胛肉眼 鹿兒島茶美豚 珍寶蟹柳 嫩鴨血 （黑）墨魚滑 （白）蝦滑 另外，火鍋配料可以用QRcode落單，每次落單後都很快就會送到。其中，牛肉都有幾款選擇，澳洲M8和牛肩胛肉同美國Prime肩胛肉眼 都很出色，味道絕不比牛肉拼盤差，牛味都很香濃，美國Prime肩胛肉眼的油脂分布比較平均。另外特別推薦墨魚滑同蝦滑，無論味道同口感都非常出色，而且很爽口彈牙，翻點次數都很高，值得試試。 田園自助吧 入口位有一個自助的蔬菜凍櫃，內有不同的田園蔬菜(什錦蔬菜盤，生菜盤），有金菇、粟米、生菜、蓮藕等等，非常適合愛菜人士 自助飲品櫃 飲品的選擇都幾多元化，除了普通的汽水、烏龍茶之外，還有夏枯草、忌廉梳打、蘆會飲品、細支裝鴻福堂飲品等等 自助醬料區 至於自助醬料有生蒜蓉、炸蒜蓉、豉油、辣椒、胡麻醬、沙茶醬可給食客自行配搭，每款醬料都有蓋住，感覺相當衛生。 📍為食火鍋公司 (觀塘) 觀塘創業街15號萬泰利廣場地下C號舖 🐝味道指數：8.5/10 🐝超值指數: 8.5/10 🐝環境質數：8.5/10