香港牛頭角｜香格里拉米線專門店

🍴香格里拉米線專門店 📍觀塘牛頭角道345號地舖 最中意食嘅食物其中一樣就係米線啦✨️😋 加埋一個人 最適合當然係食碗米線 飽肚又滿足🤰🏻 今日經開觀塘 就黎左呢間香格里拉食 雖然好多人話佢好咸又話唔好食 但我個人黎講幾中意食 唔係第一次光顧 早幾年都開始食緊 覺得水準依舊👍 呢度同舊時一樣都仲係寫緊紙仔 畫圈圈 圈完就交比店員入單 成個過程都好便利 當日3點左右食 下午茶時段所以唔算十分多人 舒適😁 👉自選米線 $65 米線 麻辣湯 $32 豬腸 $13 牛柏葉 $12 豬潤 $8 作為一碗米線黎講 其實算係小貴 但我覺得佢啲餸對得住個價錢先 首先我嗌左多湯 碗麵黎到啲湯真係好滿 就瀉咁濟 其次係啲餸唔會話你嗌得多餸就少左份量 全部都好多 豬潤睇到係薄啲 但份量都係好足 另外仲配2塊腐竹同韮菜 麻辣湯叫左小辣 個湯底有花椒咪 但湯完全無渣 呢樣幾細心 總括黎講 我係覺得呢間好食嘅 之後經開都會再食😋💫 💁‍♀️人均$65

好食，一星期食4次以上，會上癮。 性價比好高，麻辣湯底一流，夜晚湯底好似濃d日頭就淡左少少，唔知係咪夜晚到底沉哂底

乾淨舒適，食物美味