香港觀塘｜Wing's Private Kitchen

爸爸生日 揀左間私房中菜同佢慶祝 榮哥私房菜喺觀塘都薄有名氣 雖然位於工廈 但菜式創新，食物味道好 令大家都唔介意特地來訪呢顆滄海遺珠 嘗味套餐 有蝦，有魚，有雞 大魚大肉笑蝦蝦 慶生剛好👍👍 前菜 ⭐️自家甜酸齋 酸甜開胃 有少少似西式前菜 每人一份 ⭐️雙色墨魚仔，爽口有嚼勁 ⭐️茶燻流心蛋伴黑魚子醬 配厚切茄子，茶香同蛋香好配 ⭐️本地水耕沙律菜伴芝麻醬 湯品 ⭐️原鼎龍利葉青欖柑桔黑毛豚肉湯 份量驚人 四人用都可以分到每人四碗！ 湯品鮮甜不油膩 連少飲湯嘅男朋友都爭住添！ ⭐️蝦球水芙蓉 嫩蒸蛋上淋上甘荀汁 令蒸蛋更金黃 而且添味 蒸蛋滑不溜口 爸爸都讚不絕口😊 ⭐️黑松露醬炒花尾躉班球配鮮露荀 班球大件 魚肉鮮嫩結實 露荀幼嫩無爽口 ⭐️遠年新會老陳皮黑豚肉排骨 呢道幾特別 排骨略炸過 外面沾左陳皮味粉 入口甘甘地 仲有陳皮嘅沉穩香味 ⭐️招牌茶王燻雞 呢道雞超嫩超滑 入口帶煙燻味 皮脆肉香 ❤️❤️❤️ ⭐️魚湯有機時令鮮蔬 係魚湯浸菠菜苗 菠菜苗不澀口 鮮嫩多汁 ⭐️大紅大紫炒飯 紫紅色炒飯搶眼非常 仲有紫薯粒同紅菜頭粒增加口感 份量同樣大碟 再加上前面食太飽 到飯品已經食唔晒😂 ⭐️甜品 芒果忌廉凍 賣相超可愛 忌廉做嘅熊仔冰 溶化後令芒果爆珠同芒果愛玉更細滑 甜品都好驚喜！ 爸爸超滿意呢餐私房菜 慶生聚會超適合！

食私房菜我有好介紹 位於工廈嘅榮哥私房菜 餐廳地方夠大 台台大枱得黎 又有私人空間 同朋友聚會飲酒傾計都唔怕騷擾其他客人 榮哥提供套餐亦可以按要求自訂菜單 當晚我地就試左嚐味4人餐 份量足夠 菜式創新 同行朋友一致讚好👍 記幾款印象特別深刻嘅菜式 ⭐️原鼎燉龍利葉青欖柑桔黑毛豚肉湯 唔似大部分中餐燉湯喜用上花膠食材製出濃重湯品 呢道燉湯清甜無負擔 柑桔青欖非常適合夏天 而且有消炎抗疫之效 真有心思！ ⭐️蝦球水芙蓉 鮮嫩蒸蛋配上彈牙蝦球 顏色鮮艷吸引 望到已叫人歡喜！ 入口蛋味甚濃 簡單美味 ⭐️大紅大紫炒飯 又一道眼睛食先嘅菜式 紅色嘅炒飯好誘人 入口口感複雜 原來加入左紫薯粒同紅菜頭粒同炒 健康、美味滿分！ 菜式款款新鮮 味道出色 真係好令人期待下次嘅出品！

《回頭率高創意高質私房菜👨🏻‍🍳🌟》 •ᴗ• 雙色墨魚仔 •ᴗ• 茶燻流心蛋伴黑魚子醬配厚切茄子🌟 茶燻味好重🫖香氣非常誇人！配上厚切茄子🍆炸得外脆內軟，個醬係重點！甜甜地，有點似日式照燒！雙色墨魚仔，好爽脆🥹一個原味，一個辣辣地，好開胃🦑 •ᴗ• 本地水耕沙律菜伴芝麻醬 青瓜🥒、沙律菜好新鮮，配上芝麻醬同芥末，非常開胃🥗 •ᴗ• 原盅燉哈密瓜螺頭黑毛豚肉湯 •ᴗ• 原盅燉姬松茸淮山甘筍黑毛豚湯 燉湯好清甜，用料好足😯有淡淡哈密瓜嘅鮮甜味/松茸令到燉湯好濃郁👍🏻 •ᴗ• 香煎北海道帶子海中寶 自家手打蝦滑🦐包住原粒帶子😽 蝦滑好彈牙，帶子好有鮮味，煎得恰到好處🥹一啖咬落去口感十分豐富！ •ᴗ• 桂花炒素翅 食落去係鹹蛋黃的味道，夾雜炒素翅，加上桂花淡淡香氣☺️但由店員得知，原來唔係用鹹蛋炒，而係雞蛋，額外調味令到有鹹蛋嘅味道 •ᴗ• 韓泡汁煮牛面肉配雙色蘿蔔（微辣）🌟 牛面肉煮得好軟腍，食落口先係牛肉味好出，牛肉慢慢化係口，仲會有啲透明膠質🐮再慢慢嘗到淡淡黑胡椒嘅調味，少少辣🤤紅蘿蔔🥕同蘿蔔炆得好淋，吸晒啲汁🤤🤤好出色！ •ᴗ• 招牌茶王燻雞🌟 用茶葉將隻雞燻製得好入味，好有茶香同煙燻嘅香味🤤雞肉保持嫩滑🐥外皮炸到金黃色，少少焦香🥹真係好好食 •ᴗ• 魚湯有機時令鮮蔬 魚湯好鮮甜，菠菜好翠綠，清清淡淡🤤 •ᴗ• 大紅大紫炒飯🌟 呢到炒飯令我好驚喜！炒飯粒粒分明，用咗紅菜頭汁炆飯，令到炒飯賣相好靚😛米飯係好煙韌，以為用左紅米/糯米，但原來得知係將紫薯汁加上紫薯肉壓落啲飯到，令到米飯煙煙韌韌，口感100分💯🥹 •ᴗ• 芝麻湯圓 皮薄餡靚，糖水底好清甜😽 整體食物好高質有創意，味道水準之上，好驚喜🌟🧑🏻‍🍳回頭率絕對高