香港九龍城｜LUCKY FOOD

今晚約左老友去九龍城拎手信順便一齊食飯，今次介紹我一間好抵食小店，近富豪東方酒店附近，地鐵宋王臺站又方便，一流👍🏻 蟲草花胡椒豬肚雞湯😍上枱已經聞到香噴噴，份量是料，蟲草花營養價值高，增強抵抗力，豬肚爽滑，黃雞件足半隻又不會太韌，，雞肉吸入胡椒湯味更香，湯底甘醇鮮美，真心自己都飲左大半鍋，越飲越有味道 辣子田雞-上碟已經聞到辣辣味道，田雞都幾多，炸後更香口，味道鮮味，辣味道剛剛好，辣而不燥，美味 九菜花炒雞腎-九菜花香口，所以簡單咁同雞臀炒都已經係好拍檔，雞臀爽爽脆脆的口感，放入口勁有咬感，滋味到不得了，一口接一口 最後加多一罐加多寶，正

平時去九龍城都係食泰菜多，呢日搵到呢間食川菜，食我至愛酸菜魚~今晚真係有口福🤤🤤🤤 酸菜魚 招牌酸菜魚，辣度啱啱好。酸菜魚份量十足，魚片厚肉嫩滑無骨，配料有芽菜、筍同水晶粉索晒湯汁好惹味。酸菜魚味道酸中帶麻，完全無油膩感，唔覺唔覺就食晒成盤酸菜魚😍 水煮田雞 非常大隻，田雞腿啖啖肉，鮮嫩香辣，我已經好多年冇食田雞，但我見其他枱都有好多人食，見到就流口水🤤，所以都叫一個，果然無令我失望😍 口水雞 半隻雞都好大碟呀，表面灑上花生好香脆，淋上口水汁，食落啖啖肉，皮滑肉嫩，辣得嚟有啲麻又夠香，夠曬惹味 清炒萵筍絲 成枱重口味，點都要加個菜食下🤭 萵筍爽脆清甜無渣👍🏻

夜晚去左九龍城呢間有口福食晚餐，果然真係同佢個名一樣，我今晚真係有口福，估唔到呢間小店咁出色。其實呢間餐廳舖面好簡單，傳統中菜館裝修，無特別修飾，但勝在光猛乾淨。主要黎係為左食野，唔係為左裝修，最緊要都係餸菜好食。 前菜先試食左尖椒皮蛋同手拍青瓜，皮蛋好香好有蛋味，配上紅油加埋尖椒，雖然係好辣，但係感覺特別醒胃。而手拍青瓜非常青爽，加上落左好多蒜泥喺青瓜面，味道更香更有味道。 之後上左孜然寸骨，每寸肉寸都大大舊，肉面烤得頗為乾身，但咬落去發現入面鮮嫰多汁，肉味頗濃，加上孜然味香，真係非常吸引，令人欲罷不能。 然後要介紹葱爆羊肉，呢個菜係驚喜之一，因為今次呢個葱爆羊肉炒得非常乾身有鑊氣，唔係出面大部份川菜館咁炒到非常油淋淋，呢個菜不但炒得D大葱好香好好味，羊肉更加係恰到好處，有羊味但一D都唔so，雖然份量已經唔少，但食完真係仲想再叫多碟。 再黎就係重慶辣子雞，當然係有好多好多辣椒，但雞粒亦唔少，比好多川菜館份量多。呢個辣子雞又係令我有驚喜既，因為預期呢個餸都冇得输，通常都做得香脆可口，但佢除左脆之外，係真係做到酥脆，而且食到雞肉入晒味，雞肉唔乾有肉汁，唔會好辣，但非常惹味，最利害就係連雞肉入面既細骨都脆，可以連骨都食埋。 最後就係干煸四季豆，有鑊氣就係王道，屋企真係冇可能做到，四季豆同肉碎做得乾身，但入面水份充足，炒得好香好惹味，完全食到快炒熱鍋果種溫度，我自己係川菜必食既一道菜。 總括而言，去有口福食係有口福既，價錢合理，餸菜高水準，實力而言算是香港川菜館既天花板，非常值得推薦。