香港七姊妹｜日木三分

北角既上海小店😜 每次係北角想食上海野既時候，都會選擇黎呢一間餐廳小店，因為係北角都好似冇咩上海餐館，所以我都間唔時會黎幫襯。午市既時候經常滿座，晚市就通常比較冷清，而我通常都係享受同兩老靜靜地係餐廳品嚐晚餐。😉 開動喇~~🤤 🐟松子魚 $138 賣相相當吸引，其實每次都覺得有松子魚食既餐廳，個廚師都好犀利，試想想廚師要反起條魚，然之後幫你起走哂啲骨，過程中又唔可以整爛條魚，刀功又要將肉切粒狀，廚藝真係要有返咁上下。同埋醬汁既酸度都係一門學問，酸汁既程度要襯托條魚又唔可以遮蓋魚既味道，呢間既松子魚食落去酸覆溜溜又食到魚既味道，相當開胃之餘，口感非常之好！專登為左個汁叫多碗白飯 🥬爆炒腩肉四季豆 $78 因為同父母食，人數少，又想食肉、又想食菜，呢味小炒滿足哂我兩個要求，菜同肉既比例平均，炒起黎鍋氣味夠，加上用辣作少少調味，完全食得出爆炒味道既香，爸爸完全唔食得辣都覺得好食！ 🍝上海粗炒 $48 簡簡單單既粗炒，都係為左食餸唔想叫飯，但有少少偏油。 對於晚市既價錢，價格合理，而且環境又坐得舒服，食物黎講係豐富好味，但不過以健康角度出發，食物略為油膩，口味偏重，但出得去食都無可厚非既。 推薦程度 🌕🌕🌕🌕🌗 📸Instagram : @mroolong #hkfoodie #hkfoodstagram #hkfoodblogger #hkig #hkfood #foodielife #香港美食 #foodiehk #life #foodiegram #foodpic #相機食先 #日木三分 #上海菜

Very good，抵食又大份！啲食物唔鹹！啲飯好有飯味！

聽個名好似係食日本嘢 原來裏面 係有日本/上海 價錢一個套餐大概都係六十蚊左右 一碟餸一碗飯一個例湯一杯飲品 味道極佳 值得光顧