香港北角｜Little Chilli

自從疫情之後同朋友都少見面咗好多，難得今日咁啱撞到，帶咗我去佢去開嗰間小辣椒話帶我食好嘢。 呢度啲小菜原來都好有份量，嗌咗幾個小菜，諗住樣樣都試吓，點知原來大碗成咁，食到好飽個個捧住個肚🤣 #毛血旺 $188 這個毛血旺是這裏的招牌菜，今次就我點了小辣程度，朋友食開大辣，說辣得夠暢快👍講真係幾好食，麻中有辣辣中帶麻，而且超足料，數之不盡的甜美豬紅和爽口牛柏葉和勁多黃鱔魚，仲加咗我最鍾意嘅金菇菜同埋大豆芽同埋木薯粉條，木薯粉條同埋大豆芽吸晒麻辣醬汁，真係好食到震呀！ #酸菜桂魚 $208 一整條桂魚被拆骨成一塊又一塊白雪雪的魚肉，真係睇見都好吸引啊！第一次食酸菜魚原來咁好食㗎喎！口感滑嘟嘟，加上魚肉完全冇骨好方便食，酸菜魚完全唔辣，一家大細包括小朋友都好啱食㗎 ！下次要帶埋啲小朋友嚟食先得！唔使拆骨拆得我咁辛苦啦😆 #辣酒黃鱔 $138 秋風起食黃鱔魚補身就最正㗎啦！呢款用咗少少辣酒去烹調，可以完全除去黃鱔魚嘅泥味，食起嚟特別鮮味可口☺️而且起骨功夫做得好好👍 最驚喜係原來有粉絲，粉絲充分地吸收海鮮嘅氣息，而且粉絲keep到好彈牙👍只賣$138真係好抵食🥰 #蒜泥白肉 $55 三層白肉肥中瘦喺埋一齊，食起嚟特別有口感，加上用咗好多蒜蓉，夾埋粉條一齊食仲好味。 #夫妻肺片$55 切成超薄片的牛肚夠晒爽口彈牙👍牛展都好岀色，筋位炆得好淋，配以酸辣汁，越食越過癮👍

朋友介紹來了位於北角附近的小辣椒，在門外被一張一張的食物相片吸引，老公也感到這間一定會很道地，於是來吃晚飯 店內裝潢令人有點像去了內地餐廳，很有重慶感覺，見每一台客人都必定有一盆紅紅的大辣椒在枱上，於是我們也來一鍋，亦點了小辣椒炒飯、酸辣湯、炒四季豆和雞絲粉皮，先吃的酸辣湯夠酸夠辣，而我不太好辣，所以感覺已經是辣到我的最高點，也懷疑今餐可能我真的只有雞絲粉皮可以食 不過辣住食，習慣了辣，於是先挑戰炒飯，也是極辣（對我來說），老公和朋友喜歡辣，連連說好味好味，跟住挑戰紅色大盆，裏面有豬紅、牛柏葉、黃鱔、豆芽和紅薯粉等等，我格咗辣汁都食到，豬紅真係好好食，然後慢慢逐樣挑戰，黃鱔也是很新鮮及好味，老公就最鍾意紅薯粉，配埋啤酒真係好爽，大家都食得好滿足

今日去小辣椒🌶食晚餐，辣得惹味人人愛 好耐無去北角食野，咁今晚就嚟食番一餐有魚🐟有雞🐔有豬🐖嘅一餐 食番啲兩款開胃小食冷盤先 椒麻雞🐔 $55 凍食嘅椒麻雞，椒床味勁香濃，雞仲好嫩油，又香又好味 雞絲粉皮🐣 $55 粉皮爽口彈牙勁好味，粉皮仲好大塊，麻醬撈雞絲、青瓜絲，真係好正 之後就食主菜，三款就夠哂兩個人食，仲食後好飽 酸菜豬肚湯🐖 $68 一嚟就飲番個酸菜豬肚湯，勁多酸菜，又多豬肚，個湯酸酸地夠哂開胃，豬肚足料又爽口 糖醋魚片🐟 $78 當然要叫多款糖醋魚片，龍脷魚魚質夠滑，仲好厚好大塊，甜甜嘅味道，搞到我食到停唔到口🤭一個人食哂成碟，連啲拌菜(紅椒、綠椒、菠蘿、洋蔥)全部都食清哂😂 藤椒大魚🐟 $148 椒味勁香濃，未送到枱上已經聞到好香啦，辣得過癮，魚質嫩滑不腥，如果加埋個飯一齊食，一定勁好味 食川菜一定唔少得飲品，又酸又辣又甜，要配番杯 凍朱古力🍫 $12 及 兩大支哈爾濱啤酒🍻 $17 x2；咁就係最滿足嘅一餐，極之滿足 小辣椒🌶 (北角) 北角北角道33號