香港北角｜Victoria Pearl

2021年5月20日 《抵食套餐》 喺Facebook 見到有個海鮮極品佛跳牆套餐好抵食，$498一位(兩位起)有好多豐富野食，有龍蝦丶又有佛跳牆⋯⋯所以就訂位黎試吓，呢度環境都幾好，裝修幾靚，仲有個大露台比人出去欣賞海景。服務態度好好丶好有禮貌。呢個套餐有明珠叉燒皇，除左叉燒仲有海蜇。極品佛跳牆，材料十足，有海參丶花膠丶鮑魚丶魚翅丶瑤柱、花菇⋯⋯好味。金銀蒜開邊本地龍蝦，比較細隻。香煎銀鱈魚，整得幾好味。蟹肉海皇炒飯，加左黑松露丶蝦肉丶蟹肉，唔錯。甜品轉左做芒果布甸，芒果好甜。食咗咁多款好滿足。

觀景極好 景觀簡直一流，全落地玻璃，服務員態度ok，食品都唔錯，價錢相當唔平 椒鹽銀魚仔，非常趣，完全冇魚味，連椒鹽味都冇 竹笙金魚飯，上湯浸住蝦餃，未到OK，蝦好爽 牛腸，一般 牛肝菌腐皮卷，出色，雖然冇乜牛肝菌味，不過蝦非常爽，腐皮非常趣，可惜啲喼汁，好寡 魚翅灌湯餃，真係唔錯，啲湯頭好甜，仲有魚翅BB喺裏面，竹笙爽口，整隻灌湯餃餡料十足 完個椰皇燉鮮奶桃膠，塗膠都算多，有椰皇香味，燉奶亂滑

飲茶每人唔使$200，景靚、好食、就腳，約朋友响北角聚會嘅話，唔使揾第度！