香港銅鑼灣｜Hop Sze Restaurant

尋晚的私房菜，好耐未食過咁好食嘅小菜 椒鹽南非鮮鮑 百花炸釀蝦多士 淮山杞子螺頭湯（放喺面前香到唔記得影相，食咗一啖冬菇先影相） 花雕雞油蒸馬友（必食：個花雕味道香到不得了，條魚都好食） 薑蔥肉蟹腸粉煲（啲蔥同腸粉都好好味，吸收晒肉蟹嘅精華） 懷舊咕嚕肉 花甲清湯牛坑腩（同樣，湯底嘅蘿蔔都好好味，牛腩可以林少少便更加好） 合時小炒皇 極品茶皇雞 濃湯杞子浸菜心苗 少爺焗豬扒飯（配上荷包蛋，好正）

打咗好耐電話終於有人接電話 夾咗好多個日子終於book到喇！ 我一早訂定以下嘅菜 驚去到賣哂 無得食signature dish就掃興啦 🎃百花炸釀蝦多士 厚厚彈牙嘅蝦膠 仲要夾多隻蝦喺入面 多士炸得爽口脆脆 口感大滿足 🎃薑蔥焗中蝦煎腸粉 蝦彈牙入味不在話下 個煎腸粉非常之出色有驚喜 條條腸粉都煎得香口 吸哂薑蔥蝦嘅精華 🎃花雕雞油蒸馬友 魚is my favorite 所以呢味一定要order!! 馬友新鮮嫩滑 配上雞油花雕 原來可以咁夾 個汁絶對可以撈幾碗飯 🎃菠蘿懷舊咕嚕肉 舊舊都好大件 外脆內軟 唔會係死酸 🎃極品茶皇雞 送到上枱已經聞到陣陣茶香味 咬落雞肉鮮嫩 舊舊都漲卜卜 仲有雞肝伴碟 超讚 其實想叫埋少爺焗豬扒飯 但真係太飽 留番下次

每次去都有新驚喜,今次吃了-藤椒蒸龍天翅, 龍蝦煎米粉和懷舊小菜金錢蟹盒拼椒鹽鮮魷.