香港北角｜Tai O Tak Fat

最近終於有返晚市堂食，梗係要同朋友仔出嚟晚餐聚聚。銅鑼灣呢間大澳德發，位置好方便，地鐵站行好近就到達，樓高兩層，夠晒闊落。晚市主打港式小菜，菜式選擇好多，尤其海鮮類特別吸引。 椒鹽焗鮑魚（4隻)$148 必食之選❤️鮑魚爽口彈牙，椒鹽味好特別。 酒香凍飽魚（4隻)$148 呢款鮑魚一樣咁推薦，凍食嘅，甜甜地好入味又唔會太大浸酒味。 金磗豆腐拼花枝餅 $108 豆腐外脆內軟，入口即溶，花枝餅雖然唔係好彈，但係入邊有馬蹄，口感唔錯。 黄金海中蝦$148 一共有八隻，都幾大隻，其中有啲蝦頭仲有膏，佈滿蛋黃好香口～ 豉椒炒聖子（4隻)$148 豉椒炒特別惹味，不過聖子就稍為細隻咗。 菠蘿拔絲咕嚕肉$158 採用無骨里脊肉，肉質比較瘦同埋爽口。

同Friend去咗食鹽焗奄仔蟹任食套餐～正！ 依到樓高兩層💗服務生非常親切有禮～殷勤有笑容～我哋坐喺2樓，大部份用餐枱都係好舒服闊落嘅卡位。😊內部裝修以紅色為主，乾淨亮麗！牆上掛上了用嚟曬蝦乾嘅藤製用品做裝飾，仲用埋嚟做燈罩～好有漁村特色！ 🔶 鹽焗奄仔蟹任食套餐（$398/位） 套餐除了包括任食鹽焗奄仔蟹🦀每人仲可以點一個小菜，亦都包埋白飯同飲品，好豐富喎～鍾意啤啤佢嘅話，加$28仲可以升級森堡啤酒任飲！ ▫️ 鹽焗奄仔蟹 原來依度嘅奄仔蟹係喺客人面前焗～感覺特別正 ！💗服務生係我哋用餐枱上放上爐具～見到鍋裏面有粗鹽丶香葉丶八角丶草果等等嘅香料～然後店員隨即將5隻生蟹🦀放入鍋，然後開火，Set好Timer 13分鐘烹調時間～等到時間夠，就可以打開蓋慢慢擦！ 一邊睇住啲蟹漸漸轉為鮮橙色，鹽焗香氣一邊滲透出嚟～真係好期待😚 熱辣辣食特別正！一打開蟹蓋見到好多蟹膏呀～有鹹蛋黃色嘅硬蟹膏，都有 淺黃色香軟蟹膏🦀入口甘香有鮮味。鹽焗調味恰到好處～食完第一轉其實已經好滿足，臨走前又忍唔住食多轉🥳 ▫️薑蔥霸皇雞 呢個套餐裏面有10幾款小菜可以揀～我哋揀咗薑蔥霸皇雞👍🏼果然無揀錯！霸皇雞非常滑嫰～雞味濃郁突出，薑蔥香口惹味。 ▫️鮮雞湯泡花甲 花甲好鮮甜💗泡過鮮雞湯之後～味道鮮上加鮮！雞湯濃郁充滿鮮香，忍唔住邊吃邊喝～

自從晚市堂食開返就同朋友不斷發掘好西🤭今次就比任食鹽焗奄仔蟹吸引到我地呢班蟹控黎呢到瘋狂食蟹！呢度樓高兩層，地方非常闊落，裝修風格充滿特色，專程黎到當然係要食奄仔蟹啦😌 ▪️鹽焗奄仔蟹 🦀 任食 ($398/位) 即叫即整既鹽焗奄仔蟹除左鹽，仲會放香葉、八角、花椒等香料，第1 round店員先幫我地焗8隻，大約14分鐘就食得！熟左之後飄黎陣陣既鹽焗香味，蟹肉夠鮮味，蟹殼比較薄所以好易拆，當見到有膏既蟹我地特別興奮！因為蟹膏甘香鮮甜😋最後我地仲食左3 round奄仔蟹添。 另名每人可以加配一款小菜，老火湯同飲品😆所以我地分別叫左4款唔同既小菜： ▪️馬拉盞肉碎炒時蔬 連肉碎同蝦乾炒埋一齊好滋味👍🏽 ▪️豉椒炒花甲 炒得好惹味又無沙，連配菜既青紅椒都好好食😋 ▪️黃酒煮滑雞 估唔到幾大鍋！聞落有濃郁酒香，飲落個湯又唔會好重酒味，而且雞件都唔少，好嫩滑 ▪️椒鹽脆豆腐 外脆內軟，炸起熱辣辣會食到停唔到 ▪️自家檸檬🍋薏米水 食咁多蟹，飲返杯檸檬薏米水袪濕清熱就啱晒！