香港銅鑼灣｜Jasmine (Causeway Bay)

「煎.炸.焗」點心 ✿ 脆皮麻辣燒賣 $40 有別於傳統蒸燒賣，呢款創意新派點心每碟有5粒。燒賣外皮炸至金黃色，脆卜卜帶麻辣味🌶，餡料有豬肉及蝦肉，口感豐富有層次，擺設都好精緻。 ✿ 龍蝦湯蔥花餅 $42 金黃香脆嘅酥皮配上熱辣辣龍蝦湯，濃郁鹹鮮，湯料有爽彈蝦肉及洋蔥。蔥花餅外形特別，🍭一圈圈繞著，口感酥脆。 「蒸」點心 ✿ 黑松露冬菇包 $36 另一款創意新派點心！1籠3個蒸包外型似冬菇🍄，口感鬆軟。餡料係菇碎與黑松露醬，配搭不錯，提升菇包香味。 ✿ 銀湖百花釀魚肚 $45 呢個係茶樓經典點心。將蝦膠🍤釀入魚肚🐟，再以蟹籽點綴，蒸熟後蝦膠啖啖肉，飽滿入味，而魚肚吸收哂蝦膠嘅海鮮甜味。 「必食」點心 ✿ 花膠瑤柱灌湯餃 $58 黃色餃皮🥟薄而煙韌，一咬裏面有冬菇及豬肉香味，餡汁十足。配以一大片花膠及鮮甜帶彈性嘅原粒瑤柱，食材矜貴，加埋清甜湯頭🥣，口感滿足。 ✿ 一口南非鮑魚撻(2件) $60 南非🇿🇦鮑魚燜得鮮咸入味，整粒放上香酥脆口嘅撻皮上。一口一件鮑魚撻，入口即化，咸甜口感非常搭配。

假日非常熱鬧 有質素 有創意 美點心

服務及食品都有水準。