香港銅鑼灣｜Pak Loh Chiu Chow Restaurant (Times Square)

百樂潮州由上世紀七十年代開始品嚐, 滷水鵝件是必食, 鵝件是帶骨的. 鮮制魚蛋湯 水晶包. 川椒鷄

餐廳環境好大好舒服 話說早兩日放假，就約咗Ivy，一個自從去完日本旅行之後就未再見過面嘅朋友，數下手指都好似有三年啦，哈哈，今次我哋出街玩足全日，又食飯又行街，周圍睇咩都傾。 第一站我哋未食飯，所以我哋就約咗喺銅鑼灣時代廣場最近嘅一個餐廳，就係時代廣場上10樓嘅百樂潮州酒家。餐廳地方面積好大，坐得好舒服。而且我哋12點呢個鐘數去食，嗰陣時唔算多人，所以上菜速度都好快。 北菇棉花雞 $48 呢碟同平時飲早茶差唔多，不過食落口就冇咁肥膩，感覺成碟野用油嘅份量少咗啲，而且雞肉幾嫩口。 流沙奶皇包 $48 一碟有3個，咬落去熱辣辣嘅流沙奶黃爆出嚟，金黃色嘅流沙奶黃望落去好愉悅，食落口又唔會太甜，仲有淡淡的蛋黃香。 鮮蝦瑤柱菜苗餃 $48 一碟又係有3個，個皮唔算厚，而且咬落去仲好煙韌，都幾有咬口。裏面嘅鮮蝦份量都唔少，咬第一啖食到有鮮蝦，咬第二啖都食到有鮮蝦，仲食到有好多菜苗添。 金柱脆皮炸两腸 $58 兩大條嘅炸两腸，切到八件，Size大小剛剛好就係一口食一啖。淋上點心豉油汁，偏甜嘅豉油汁，食完唔會覺得好鹹，又或者好口乾。上面仲有啲脆皮同埋蔥花做點綴，望落去增加咗視覺感受。 埋單大概係$238.8 兩位，連埋茶水價錢同埋服務收費 ，平均每個人大概$120左右。

環境優雅不嘈雜！服務幾好！胡椒豬肚湯非常好飲足料！小菜質素亦見高質因為接近高級食府的價錢！時代廣場十樓，食完又可購物或看電影！！！