香港銅鑼灣｜百樂潮州酒家 (希慎道)

有很多人喜歡吃潮州菜，但很多時食物有很多味精或過鹹，今天我和家人光顧了有六十多年歷史的百樂潮州菜館，我們去的是銅鑼灣店。 一到門口便見一排昔日的舊照片，店內牆上亦掛了一些黑白照片。 雖然是平日晚上的8點幾，店內也有8成食客，我們一坐下來，便聽到幾枱食客的笑聲和說話聲，氣氛有點像早上的茶市般熱鬧和嘈吵。 我們叫了3款菜，有上湯莧菜，湯內有乾瑤柱和草菇，十分惹味，鵝片我們叫侍應連骨上碟，可是最後鵝片也是去了骨，不過無損它的味道，還有一款是鵝肝，肝片大而中間呈淺粉紅色，看上去已很吸引，吃下去鵝肝很滑，果然名不虛傳，之後我們再叫梅菜扣肉，等了15分鐘見仍未上枱，向侍應追問，才知未落單，而我們也覺得飽了，梅菜扣肉就留待下次試吧。這樣我們便帶著滿足的心情離開食店。

放假去左銅鑼灣飲茶，享受下悠閒嘅下午，聽人推薦去咗時代廣場嘅百樂潮州。 先嚟嘅係蘿蔔糕 ，睇得出佢好足料，咬落口感結實，而且煎到啱啱好，少少香口又唔會燶。 然後叫咗杏汁燉白肺湯，豬肺湯自己整嘅話太麻煩，最適合就喺街外食。飲落去非常清甜，淡淡嘅杏汁味，甜得 唔會太搶，而且有大大塊肺片。 飲茶當然要食燒賣，燒賣豬肉味濃，仲有原隻蝦同大大粒冬菇，絕對係誠意之作。 之後嚟嘅係椒鹽九肚魚，炸到金黃色，魚肉軟熟滑嫩又唔會太多骨。 最後叫咗糯米卷，本身擔心兩個人食會唔會太多，不過分量適中，兩三啖食得曬一個，而且皮好甜。 最令我留下印象嘅係呢度嘅裝修好靚，有啲舞廳嘅感覺，非常懷舊復古，坐得好舒適。

外賣雜併飯HK$78 紅腸有三片 吊片有三片 滷水鵝片兩片 豬腩肉有三塊 配菜有滷水豆腐仔同紹菜 送罐裝可樂 唔頽得哂！