香港尖沙咀｜The Chinese Restaurant 凱悅軒

近期吃太多煎炸食物，這次來尖沙咀凱悅軒就想吃一些較健康的小菜，其中吃了兩道以豆腐入饌的菜式，還有一些海鮮小菜，都不算很熱氣的。 酸薑皮蛋伴淮山豆腐泥 皮蛋跟豆腐向來好夾，而且可以有千百種做法，今次就把豆腐泥放在皮蛋底下，豆腐泥混入了淮山、沙葛、芫茜、蔥等，令味道變得很豐富，皮蛋再拌以酸薑，豆腐泥跟皮蛋同吃，確實是一道質感柔軟而清香的小吃。 脆皮花膠伴杏汁有機黑豆豆腐 豆腐既是平民美食，又可以高檔的，凱悅軒總廚黃師傅今期就用豆腐創作了這道很具格調的小菜，單是賣相已經高貴得很。以杏汁做底，浸著黑豆豆腐，上面再放上炸得金黃香脆而鬆化的八頭花膠，整道菜極具層次感，像一位踏上高台的巨星，十分閃亮，豆腐、杏汁和花膠同樣含高蛋日質，營質豐富。 陳年花雕龍蝦伴粉皮 另一道手工菜叫「醉龍臥雲」，即是陳年花雕龍蝦伴粉皮，約半公斤重的龍蝦配十五年陳釀花雕，並加入鴨蛋黃來調製醬汁，煮出來的汁料出奇地不過份濃郁，郤是頗幼滑香滑。不要只顧住龍蝦肉而忽略粉皮，吸收了香濃汁料的粉皮，份外香滑。 石鍋原隻鮑魚千千層 放在石窩上的鮑魚，更能鎖住醬汁，十分香甜爽滑。

凱悅軒：海味與齋 久不久就會黎，今次因為主廚黃師傅又有新的傳統手工新菜式，傳統海味特色菜其實出左一段時間，而家到9月30日，睇完有興趣都就要快啲黎。 講開新菜單主題係海味乾貨，就當然有鮑魚、海參和花膠呢類傳統海味，今次就係主力食左以呢幾樣為主角嘅菜式。不過同時餐廳又同香港品牌植廚Plant Sifu™️做咗幾個新嘅齋菜菜式，既然黎得就一次過食哂啦。 前菜有花膠話梅咸桔水晶凍，唔講以為係甜品，吃下去感受到係強勁嘅骨膠原，花膠同水晶凍鹹甜交錯，前菜來講非常開胃，像鹹鹹地嘅雪葩啫喱般的感覺。 之後的香脆蜜椒蟲草花，相信唔需講點整，之前見過出面整，但當然這裡技巧高得多。 壽參藏珍係我當日最難忘的菜式，呢一個係好經典嘅粵菜，唔係好多餐廳食到，勁厚重嘅遼參包著成條嘅懷舊手工蝦籽扎蹄，你以為係因為遼參同扎蹄好食，其實最出色係當日嘅黃湯，師傅用雞、鴨、豬肉、豬骨及豬手熬足很久，成件口感豐富再加埋個湯先至係屈機。 雖然我唔特別好食魚，但鮮沙薑乾魚鰾滑雞煲就真心推薦，如果你有食過魚鰾你一定欣賞，佢嘅乾魚鰾真係好得，沾上用薑油爆香的鮮沙薑造成嘅汁，係個煲入面同滑雞混然天成，特別係好有油份嘅三黃雞，送下白飯就最適合。 剁椒青口乾吊桶仔蒸勝瓜嘅精美同fine dining無異，合時的勝瓜的口感當然好，青口及乾吊桶仔的鹹鮮，加上自家製剁椒，整個配搭更完美，但我在想勝瓜嘅好，如果蒸下扇貝或者蟶子再加埋粉絲會唔會更加正？ 胭脂雙稻又係海味菜式，以精選海鮮、自家醃製的子薑、加入紅菜頭汁的飯來炒，平時嘅炒飯你可能會食到飽，但係你覺得越食會越舒服，更加有胃口。 當日人多，於是食多幾樣，食完海味即刻食下齋，平衝下，原來佢地近日同香港品牌植廚Plant Sifu™️合作，引入本地製造的素豬肉，呢道松子酸豆素肉鬆脆鍋巴就正正係用素肉為主角，配搭勁香脆的鍋巴，仲上自家醃製的豆角等配料，特別香口，又係開胃到震。 最尾又係大愛，希望佢有機會可以擺落menu，植物梅頭肉餡同筍粒加馬蹄粒製成的獅子頭，同平時食真係無分別，佢嘅素湯以甘筍和西芹熬製，最重要加上了雜菌同酸菜，石鍋酸菜鮮菌素肉獅子頭就係咁一個人都可以KO，我覺得直頭應該要加個麵仲可以做一個主食，到今日執筆都念念不忘。 最後當然不能錯過甜品，因為要食酥皮流沙盞，就清清地今日點了蛋白杏仁茶送，配上佢哋嘅經典，次次黎都唔會點失望。

位於尖沙咀凱悅酒店的《凱悅軒》 最近推出全新菜單，既有傳統手工菜的技藝又有本地農莊特產風味菜的滋味 ▫️ 黃金淮山條 - 金黃外層相當吸睛，淮山粗身有咬口，而且味道清甜，是來自本地出產的新鮮淮山，配上散滿鹹蛋黃的外皮，甘香酥脆，一點也不油膩 ▫️ 陳年花雕龍蝦伴粉皮【醉龍臥雲】- 用上約半公斤重的新鮮西澳龍蝦，配上15年的陳釀花雕酒及鴨蛋黃來泡製，再以粉皮來墊底，猶如遊龍醉臥雲上，相當有氣勢 ▫️ 黃湯蝦籽扎蹄釀關東遼參【壽參藏珍】- 遼參添加了一層酥脆口感，再配上以鴨掌、豬手、雞腳等食材熬製的黃湯，即時更添鮮味；内裡還釀了彈牙蝦膠，蝦膠內再包裹著懷舊鹹香的蝦籽扎蹄，令爽滑的遼參口感更豐富，蘸一點黃湯同吃，滋味無窮 ▫️ 側耳菇秋葵炒蟶子皇 - 用上當造的本地有機秋葵，配以鮮爽的本地側耳菇，鑊氣十足，令蟶子皇更顯鮮甜彈牙，炒出別具風味 ▫️ 椰香鮮百合紫淮山鴛鴦雞 - 本地農莊的烏雞及泰安雞，搭配本地紫淮山粒、本地毛豆、本地鮮百合等食材，墊底的蒸蛋白用上烏雞湯、椰青水及椰漿煮理，口感輕盈細滑，與椰青水及椰漿非常夾，味道清新香甜，感覺既是一道日常菜餚，又像一道甜點 ▫️ 欖菜花生苗炒本地黑毛豬 - 本地有機花生苗，不但新鮮，而且顯得粗壯，吃時清甜爽脆，配上本地黑毛豬梅頭肉來炒，不但不感罪惡感，反而更欣賞黑毛豬溢出的油香，香口惹味 ▫️ 招牌酥皮流沙盞 - 精緻小巧，賣相可愛。上層是凹凸的脆皮狀菠蘿包皮，酥脆味美；底層是香口酥化的曲奇撻底；中間夾著流心奶皇炸湯丸，口感煙韌，流心奶皇濃郁的威力，更是無法抵擋