香港中環｜SHANGHAI GARDEN 紫玉蘭 (交易廣場)

做一晚上海佬 今日同老婆大人仲有一班朋友去食上海菜，等我做返晚上海佬先「儂吃過了伐」哈哈。 老婆大人話同我去中環交易廣場食呢餐飯，我心諗乜呢度有餐廳嘅咩！估唔到就喺廣場嘅一樓有間叫做紫玉蘭嘅上海菜餐廳。 我哋平日去食呢餐飯見到都有好多客人生意都幾唔錯喎。 坐底嚟兩個前菜嘆吓先！老婆大人最鍾意食皮蛋，呢個秋香皮蛋肉鬆拌豆腐食落去好香口啱晒佢口味啦。 我就鍾意呢個樣靚仔到不得了嘅馬蘭頭石榴果，百頁皮入面有啲馬蘭頭然後包到成個石榴果咁樣鬼咁精緻。 百頁皮咬落去口感煙煙韌韌咁，加埋入面好清香嘅馬蘭頭係好食嘅。 跟住嚟碗熱辣辣嘅家鄉米莧鮮魚羹，清鮮嘅湯羹入面有啲菜蓉同埋魚肉，個羹一啲都唔腥仲越飲越香甜添。 我哋仲嗌咗一份紫玉蘭烤鴨！連埋一齊上枱嘅有嬤嬤皮、紫蘇葉、牛油果、哈密瓜、京蔥同埋青瓜，呢個組合真係好鬼特別喎。 烤鴨已經分開晒鴨皮、鴨肉同埋髀、翼位先至上枱，仲好細心將髀同翼包晒錫紙等食嘅時候唔會整污糟手指。 個嬤嬤皮做得幾煙靭凍咗都唔會硬口，我就鍾意包哈密瓜嚟食感覺好清新，至於髀同埋翼梗係用手攞住嘆先過癮啦。 繼續叫一啲上海嘅小菜嚟嘆吓，呢一個係邪惡嘅土匪豬肝，嗰啲辣椒好辣夠刺激啱晒老婆大人嘆，我就鍾意食煮得好脆口嘅豬潤勁惹味好正斗。 邪惡完之後食返個家燒冬瓜清空下個口，炆得口感啱啱好嘅冬瓜配咗濃郁嘅芡汁，清甜瓜香之中又有濃郁嘅香味，睇落好簡單嘅菜其實要花好多功夫先做到呢個味道。 鍾意食魚嘅我哋仲叫咗一條老干媽肉碎蒸黃花魚，新鮮嫩滑嘅黃花魚配咗香口嘅老乾媽肉碎一齊嚟蒸，出嚟嘅味道梗係俾清蒸惹味得多啦。 最後仲有呢一個醬油蟹毛豆年糕，用咗啖啖肉嘅青蟹嚟煮呢味餸啱晒我呀。 濃郁嘅醬油配襯鮮味嘅蟹肉好食到要啜手指！年糕平時我唔係好鍾意食不過呢個真係要讚一讚，食落去口感好煙韌最緊要係凍咗都唔會硬。 甜品揀咗老婆大人鍾意食嘅高力豆沙，呢個仲係升級版嘅高力蛋白豆沙香蕉，加咗香蕉之後食落仲更加香甜佢食到咪晒眼鬼咁享受。

開心賀中秋！同學聚會揀咗位於中環交易廣場既紫玉蘭，主打精緻滬菜，以獨特創意革新經典美饌，帶來新式上海餐飲體驗。好鍾意呢度格調簡約時尚，氣派典雅，並設獨立貴賓房，好適合家人/好友聚餐。 秋香皮蛋肉鬆拌豆腐 皮蛋軟綿Q彈、肉鬆綿密，拌以嫩滑豆腐，鹹鮮甘香特別開胃。 馬蘭頭石榴果 精緻唯美，好似藝術品咁，大家都忍唔住相機食先～將百頁皮包裹住清爽可口馬蘭頭，造成石榴果外形，賣相一流。 家鄉米莧鮮魚羹 鮮魚茸配米莧，米莧即莧菜，入口滿滿魚鮮香味，用料十足，調味剛好，湯羹透亮、味道清淡可喜，飲落軟滑順口。 紫玉蘭烤鴨 必試招牌烤鴨！色澤紅潤油亮，肉質柔嫩，味道渾厚，鴨皮片至如紙般薄～將餅片包著哈密瓜片、牛油果、鴨肉、蔥白等同食，口感豐富有嚼勁，香酥而不膩。 肉質肥而不膩，色澤紅潤， 入口滿滿的烤鴨香味。 配料有黃瓜、蔥白、 哈密瓜、牛油果、 餅皮和薄荷葉， 可以做出個人喜歡的口味。 以哈密瓜及牛油果片作配料，夾著片皮鴨吃頗新穎。 配搭小瓜幼絲與爽甜蜜瓜片，清新解膩 吃膩了薄餅甜麵醬，可試試用生菜片，包着哈密瓜片、牛油果和鴨肉，再加上酸辣可口的醬汁，開胃去膩。 土匪豬干 將豬干焯過後加配料爆炒，豬干依然保持鮮嫩潤口，口味香辣濃醇，夠哂惹味。 老干媽肉碎蒸黃花魚 黃花魚皮滑肉嫩，鮮美且無一絲腥味，面頭加上老干媽肉碎，均勻鋪於魚身上，增添鹹香鮮味。 家燒冬瓜 冬瓜清涼降火氣，特別適合炎夏食用，水分多低熱量，配以濃香醬汁，令人胃口大開。 醬油蟹毛豆年糕 年糕煙韌香濃；毛豆經醬汁爆香，鑊氣十足；主角醬油蟹鮮味啖啖肉，入口豐腴，實在令人滿足。 高力蛋白豆沙香蕉 滬菜經典甜品之一，即叫即炸熱辣辣，豆沙鬆軟香滑，甜而不膩。

嚐盡滬菜風味@紫玉蘭 上海菜從來也是我喜歡的菜系可說是百吃不厭！今次跟好友去到位於中環的滬菜館品嚐了不少精心炮製的上海菜，就跟大家分享這夜豐富的佳肴吧！ 餐廳正是位於中環交易廣場內的紫玉蘭 ，室內環境簡約時尚中帶出瑰麗氣派坐得很舒適。 餓腸轆轆的我還要遲到所以甫坐下便要開餐了！率先上檯的是滬式涼菜中的馬蘭頭石榴果＄108/5件，以優雅的花卉擺盤奉客賣相精緻非常，具營養價值的百頁豆腐皮包裹著馬蘭頭碎弄成石榴果的外形，吃下帶豐富的口感味道又清香是健康之美食。 秋香皮蛋肉鬆拌豆腐＄108很適合夏天享用，甘香的溏心皮蛋配上嫩滑豆腐和鹹香肉鬆永遠也是絕配之物。 接下來這個本幫湯羹名叫家鄉米莧鮮魚羹＄75/位，內裏以魚茸及菜絲放湯炮製而成出來的魚羹色澤悅目味道鮮嫩可口，因為太美味的關係很容易便一碗喝光光了。 緊接著是充滿淮揚滋味的紫玉蘭烤鴨＄498/隻，一套烤鴨會配上嬤嬤皮、紫蘇葉、牛油果、哈密瓜、京蔥、青瓜以及烤鴨醬，成套放在檯面上感覺非常豐盛呢。 烤鴨已經預先切好上檯並分好位置包括有鴨皮、鴨肉及髀、翼，烤鴨外皮甘香脆身內裡肉汁豐盈兼嫩滑，配料有清甜哈密瓜及破格的香滑牛油果片，喜歡紫蘇香氣的更可以包著同吃味道份外吸引。 吃過美味烤鴨之後換來迎接邪惡的土匪豬肝＄178，非常有霸氣的名字味道亦充滿野性！外焦內嫩的豬肝口感鮮嫩超級惹味，配菜的青尖椒更為香辣鮮味是難得吃到的辣度！所以我十分喜歡這道土匪菜式。 接下來到靚魚出場這條是老干媽肉碎蒸黃花魚＄308，黃花魚在老乾媽的油辣椒肉碎加持下香辣惹味中帶上鮮甜魚味，總是叫人一口接一口地吃下去愛吃魚的朋友萬物錯過。 家燒冬瓜＄108烹至軟腍入味鹹鮮適口，我覺得這樣烹調方法比紅燒的還要好味多了。 緊接著有我最期待的醬油蟹毛豆年糕＄598，這道菜絕對展現出濃油赤醬的滬鮮風味！ 青肉蟹肉質紮實混上香濃醬汁仍難掩其鮮甜味道，但這味菜的主角絕對是煙韌有咬口的上海年糕，就算已經滿足到一個點的我仍然吃了不少！大家可想而知這道菜的味力有多強勁。 最後是令我抗拒不了的甜品高力蛋白豆沙香蕉，咬一口富蛋白香氣而且絕不油膩，內裡藏著起沙的紅豆餡及香蕉肉味道細膩香甜可口，我忍不住吃上了一整個所以非常滿足喔。 這一間紫玉蘭的出品確實令我有點驚喜，食物質素不錯之餘價位亦非常親民，喜歡吃上海菜的我表示吃得十分滿意。