香港尖沙咀｜Loong Yuen

第一次同朋友來晚飯，感覺好舒服，服務員態度親切友善🥰。最欣賞是片皮鴨，不太肥也不太瘦，剛剛好👍。其次是油泡海班球，完全沒想到班球好入味，魚肉剛好熟，絕😍

重*烚*樂趣 今年冬天真過癮因為有夠凍嘅天氣，最鍾意烚吓烚吓嘅我真係快樂過神仙呀！今次老婆大人仲要帶我去酒店中菜廳道打邊爐你都咪話唔爽。 今次我哋去打邊爐嘅地方就係喺尖沙咀金域假日酒店嘅龍苑中菜廳，話時話吖酒店嘅自助餐就食過中菜廳我好似第一次嚟咋喎！ 咁啱中菜廳原來都係第一次推出打邊爐應市，搞咗個叫做滾住食嘅極品打邊爐套餐，睇吓個餐牌唔便5舊水都幾多嘢食喎。 重口味嘅我最鍾意呢度有9様醬料揀，加啲生熟蒜、芝麻醬、沙嗲醬再加啲蔥花就Perfect喇。 除咗打邊爐食物夠多夠正之外我最鍾意喱道有任飲套餐，只係加88蚊一位就可以無限暢飲指定嘅啤酒、汽水同埋橙汁，咁鬼抵我梗係隊杯啤酒食吓腰果先啦。 每枱都可以揀一個湯底總共有三款口味可以揀，好似有芫荽皮蛋鍋、娘惹沙爹鍋同埋南瓜素菜鍋，如果三款都唔啱你口胃唔緊要！只要你肯加＄268就可以升級清燉螺頭湯底、加＄128升級花膠椰子雞鍋、或者加＄68轉為胡椒豬肚鍋底選擇夠晒多，我哋就一致決定要咗個娘惹沙爹鍋做喱晚嘅湯底喇！睇都睇到個沙爹鍋有幾香濃啱晒鍾意食牛肉嘅我。 喱個火鍋套餐首先會有一個海陸拼盤，先講海鮮拼盤入面有帶子、桂花蚌、龍躉柳、海中蝦、長腳蟹腳同埋帶子每人分到兩件。 剝蝦殼呢啲粗重嘢梗係交俾我哋啲男人做㗎啦！見到老婆大人食得開心我都好過㗎嘛哈哈哈。 不過老婆大人都好錫我轉頭又剝番隻長腳蟹過我喫，喱晚啲海鮮全部都好鬼新鮮真係出色嘅。 嚟到我最心心眼嘅時候就係食肉獸最鍾意嘅肉類拼盤，牛肉就有澳洲和牛片、美國安格斯肉眼片同埋金錢展，老婆大人唔食牛肉益埋我好happy！不過喱個拼盤入面仲有西班牙黑豚豬柳片，我嗰份梗係俾埋佢食啦！喱個肉類拼盤都係每人每款有兩件但其實都已經好夠食。 牛肉配沙嗲湯底喱一個組合真係我嘅飛佛，而且牛肉質素都好高下每樣都吸引到我好正斗。 跟住仲有又係每人兩件嘅然自家製龍苑四寶，四寶即係陳皮鯪魚丸、芝心鮮蝦丸、鮮蝦雲吞同埋水餃，全部都係自己包同手打㗎睇個樣已經覺得好正。 鮮蝦雲吞同埋水餃二揀一嘅話我就鍾意鮮蝦雲吞多啲，因為夠鮮味吖嘛同埋餃子皮夠薄吸埋啲沙嗲湯味道一流。 至於自家製嘅孖丸我就偏向鍾意芝心鮮蝦丸，蝦丸好鬼彈牙入面有流心嘅芝士餡，咬落去好鬼有層次仲好好味添。 以下落嚟我哋食喱啲全部都係無限任點任食嘅！總共有成20幾樣嘢可以揀㗎！我哋揀咗午餐肉、炸枝竹、豆卜、芝士腸、白蘿蔔、粟米、唐生菜同埋娃娃菜多嘢食到呢！真係想唔食到捧住個肚走都唔得啊！ 呢個套餐仲有又係任食嘅甜品，有芝麻糊、陳皮紅豆沙同埋香草綠豆沙可以揀，不過老婆大人同朋友唔係幾啱食所以另外叫咗芒果布甸，我試咗一啖果然做得唔錯夠香夠滑又充滿芒果香甜味，唔怪得知我老婆大人咁鍾意食啦。 我就最鍾意食紅豆沙喱度煲到起晒沙又足料，甜度都整得啱啱好我鍾意呀。

總有去酒店滾的一天！ 今年冬天有點冷吃火鍋當然是常識吧！坊間的火鍋店數之不盡有些年紀的我當然也吃過不少間，不過於酒店中菜廳內吃火鍋又真係比較少有些。 知道久未到訪的Holiday Inn Golden Mile Hong Kong 龍苑中菜廳，破天荒推出了全新的打邊爐套餐，即刻約齊好友去滾一滾圍爐取暖。 這個名為*滾住食*的極品打邊爐套餐收費為＄498/位(+10%)便可無限時品嚐到多款新鮮食材，包括有多款位上的靚海鮮、精選正肉類、自家製丸子、餃子，另外更有多達20多款的火鍋配料及三款甜品任點任食，當然還有多款口味的湯底任君選擇！ 打邊爐第一樣要做的當然是混個靚醬先，足足九款醬料配菜可供選擇。 未開餐前可以先吃點腰果小食開胃，大家別誤會隔離那一支不是清酒只是醬油來的，車媽媽未有破戒飲酒啊！ 但車爸爸這夜就可以放肆𣈱飲了！因為只需加＄88/位便可任飲指定啤酒、汽水及橙汁爽爆。 每檯也可選擇一款滋味的湯底，當中有芫荽皮蛋鍋、娘惹沙爹鍋及南瓜素菜鍋可選，如果您嘴刁的話大可另加＄268升級清燉螺頭湯底、加＄128升級花膠椰子雞鍋、或加＄68轉為胡椒豬肚鍋底，這麼多選擇相信大家總會找到心水湯底吧！我們大家也是重口味的人，所以最後選擇了濃郁的娘惹沙爹鍋作湯底。 套餐內每位可享用海陸拼盤，當中包括有帶子、桂花蚌、龍躉柳、海中蝦、長腳蟹腳及帶子各兩件，我覺得新鮮海產永遠也是打邊爐最佳的夥伴。 桂花蚌主要吃其的爽脆口感，所以配搭沙嗲湯底絕對最適合不過。 海中蝦灼至剛剛熟吃下很彈牙而且味道非常鮮甜，最重要是有個剝蝦殼的老公在身邊，令這隻海中蝦味道更加甜美。 蟹腳本身已經被處理過只要放入湯底索味便可享用，梳梳的蟹肉吃下口感挺細膩，索了沙嗲湯後亦沒有遮蓋了蟹肉的鮮甜味道質素相當不錯。 看見這個一起烚帶子的畫面真的有點感動也特别好味，因為疫情以來真的很難得可以這麼多人一起吃火鍋。 最後這個龍躉柳絕對是非吃不可之物，魚肉肉質紮實吃下非常有咬口，最重要的是啖啖肉兼冇骨，而且丁點腥味也沒有真的好吃喔。 到陸地寶物正是這碟食肉獸見到便歡喜的肉肉拼盤，內裏包括有澳洲和牛片、美國安格斯肉眼片、金錢展及西班牙黑豚豬柳片，同樣是每位客人可以得到各兩件。 然後還有每位兩件的自家製龍苑四寶，四寶乃陳皮鯪魚丸、芝心鮮蝦丸、鮮蝦雲吞及鮮肉水餃。 鮮蝦雲吞皮薄滑溜內裡的鮮蝦餡十料足，吃下很彈牙鮮美非常合我心水，另外鮮肉水餃也不是省油燈，內裏有齊木耳筍絲等是我喜歡吃的正宗水餃。 另外還有兩款自家製的丸子，陳皮鯪魚丸不是彈牙那一種口感，但就充滿鯪魚和陳皮的香氣味道不俗，但我更欣賞那彈牙又有內涵的芝心鮮蝦丸。 除了上述限量的美食之外，還有20多款無限任吃的生料可供選擇，當中包括有芝士腸、午餐肉、蟹柳、金菇、黑木耳、雞髀菇、秀珍菇、鮮冬菇、粟米、白蘿蔔、芋絲、白菜仔、菜心、娃娃菜、唐生菜、鮮腐竹、炸枝竹、山水豆腐、豆卜，還有澱粉質人喜歡的粉絲、出前一丁、稻庭烏冬、生麵(粗麵或幼麵)等。 我們點了芝士腸、午餐肉、粟米、白蘿蔔、娃娃菜、唐生菜、炸枝竹、豆卜，我覺得最美味的當然是索滿沙嗲湯汁的白蘿蔔和豆卜。 已經滿足到一個點的我們沒有放過吃甜品的機會，這兒的三款甜品也是無限量任點的，喜歡吃糖水甜品的朋友一定好開心！選擇分別有芝麻糊、陳皮紅豆沙及香草綠豆沙。 紅豆沙材料十足煲至起晒沙車爸爸吃得不知多滋味。 而我跟另一位朋友就任性地散點了這個芒果布甸，吃下去口感香滑甜而不膩非常美味。 這個*滾住食*打邊爐套餐由即日起至2月15日會在龍苑午、晚市同步供應，趁着冬天大家也一起去圍爐取暖啦。