香港中環｜SHÈ

想要一邊嘆靚海景又想食有質素既中菜就一要要黎依間係IFC既中菜館 - 舍 菜單價錢唔算平，開得依個位就當然唔平架啦，不過以環境同食物質素計，絕對係物有所值。今日點左一份2人既Lunch set，入面包括十款食物，可以一次過滿足味覺上唔同需求🤤 首先有桂花蜜燒鰻魚、胡麻醬烏珠荀沙律、黑魚子蝦多士 鰻魚非常肥美，外皮燒得香脆，再加上淡淡桂花香味，味道濃厚之餘不帶油膩。烏荀晶凝通透，非常新鮮爽口，配上帶有微微芥辣味既胡麻醬，好開胃。蝦多士即場熱辣辣炸好，香脆可口，蝦肉爽口彈牙，值得一試！ 黑蒜螺頭炖湯，如果平時係鐘意中式湯品既人，依款湯就最岩，足料之餘火喉夠，所以材料既精華都融入湯中，一飲就飲得出師傅功力。 XO醬炒帶子珊瑚蚌 平時婚宴一定有既高級菜式，估唔到依度lunch都食到🤣帶子好大隻，連同爽到不得了既珊瑚蚌，簡直係絕配 忌廉香草汁龍蝦伴伊麵 一份有半隻龍蝦😱龍蝦有手臂咁大隻，超多肉，伊麵雖然係用忌廉汁，但係食落唔會覺得滯 瑤柱貴妃雞 雞肉嫩滑多汁，配上蔥油，用黎送飯一流 羊肚菌浸時蔬 闊佬炒飯 炒飯粒粒分明，蛋香十足，作為咁多味菜既結尾岩岩好☺️

之前都食過哩間中式點心下午茶，好精緻好好食，今晚天氣凍，所以嚟試吓佢地新出羊腩煲，暖暖胃😋 因2個人，都唔敢叫太多，就試試羊腩煲跟最中意嘅腊味糯米飯先 先來羊腩煲🥘，嘩，滾到有煙出，打開蓋就聞到香味😋份量都好多，每舊都係腩位，唔肥，重要係一啲酥味都冇，有冬菇，冬筍，腐竹，慢慢煮熱，味道好正，食都差不多，加入生菜，生菜吸入濃濃湯汁，好正。 腊味糯米飯，腊肉好多，飯口感好軟綿，好香，最怕糯米飯梗實實，哩個真係炒得好好食。二份都份量好足，最後嘆番杯靚香片茶，幫助消化😊

冬至聖誕節及新年節日多多， 食西餐食到悶，轉轉口味來食中餐。 誠心推薦位於中環港景街1號國際金融中心商場3樓的「SHÈ 舍」， 環境舒適亦可欣賞維多利亞港的景色，既時尚又有傳統中國菜餚，有品味及吃愛的你一定不可錯過。 他們在節目期間推出了限時套裝優惠「歡慶佳節盛宴」，2位$1144/4位$2288/6位$3288。食物包括三道前菜、一個燉湯、 有海鮮、雞、蔬菜、 龍蝦伊麵、炒飯及精美甜品， 款式非常豐富。 首先，是輕食前菜 有「桂花蜜燒鰻魚」入口有甜蜜桂花香， 燒鰻魚魚脂滿滿。「胡麻醬烏珠荀沙律」新爽美味，荀脆鮮甜。 「黑魚子蝦多士」酥香惹味，蝦肉彈牙，不感油膩。 「黑蒜螺頭炖湯」湯清甜順喉，黑蒜很甜，非常滋潤。 「XO醬炒帶子拼珊瑚蚌」帶子鮮味，珊瑚蚌新鮮，加上XO醬炒這兩鮮， 微微香辣滋味無窮。 「忌廉香草汁龍蝦伴伊麵」足料又新鮮的龍蝦，龍蝦肉質煙韌，美味可口，忌廉香草汁伊麵，完美的中西組合，超驚喜。 「瑤柱貴妃雞」雞肉滑溜，配用瑤柱鮮上加鮮。 「羊肚菌浸時蔬」 熱辣辣，香噴噴， 菜苗翠綠， 連湯都超濃郁香甜。 「闊佬炒飯」炒得鑊氣十足， 香米粒粒分明，材料豐富有蝦、 蟹肉、菜粒、蛋絲及鹹蛋黃等，入口鮮咸，口味清新不膩。 精美甜品是「紅豆沙湯圓」， 香氣四溢，濃郁的紅豆香撲鼻而來，軟Q的湯圓入口即化。