香港上環｜Fung Shing Restaurant

經google map訂位，方便容易。 餐廳就在上環地鐵站、西港城附近，可以先行下再過來晚餐。 6:00入來已有一兩檯客，餐廳環境整潔乾淨，卡位座位舒適，店員們態度親切有禮。 先上壺茶 白桃烏龍，有股淡淡桃的香氣，甚是喜歡。 金錢雞 香氣撲鼻，雞潤的熟度剛剛好，配合肥豬油，再用白多士夾住，淡化油膩感，真是好吃😋 醬炒芥蘭 簡單的炒菜，非常有鑊氣，很香，兩三下已經搶晒😋 炸子雞 皮薄香脆，不錯😋 柚子皮 帶有一點苦澀，未能入味，是晚唯一一碟稍微遜色。 蒸啜魚 蒸的剛好，魚肉滑嫩，醬汁濃郁，適合配飯，小孩很愛😋 甜點是每次都必吃的焗西米布丁，有一人份，份量甜度適中，飯後甜點一流😋 紅棗糕 煙靭有口感，不過不失😋 香味菜色配上青島黑啤，真是一大享受👍

近排同朋友去咗呢間好耐歷史嘅鳳城酒家🔥佢哋最近喺上環新裝修及搬遷嘅新分店😍難得咁近我哋出街 夜晚點可以唔試吓呢？ 地方舒適 環境乾淨 可以品嚐正宗順德菜嘅風味 🌟百花釀蟹鉗 ($88/件) 炸蟹鉗外面香脆酥皮，蟹鉗肉嫩滑，配上酸辣醬一齊食就更正 🌟窩貼大明蝦 ($26/件) 外表金黃色的蝦鍋貼，咬一口，非常酥脆，蝦肉爽口彈牙 🌟招牌炸子雞 ($188/半隻) 炸子雞外皮金黃色脆卜卜，雞肉夠嫩滑，好出色 🌟燉螺頭湯 ($88/位) 我就叫左佢地既燉湯，好足料又夠火侯，螺頭煲到好腍好有咬口，夠哂滋潤 🌟西蘭花炒帶子 ($228) 帶子肉彈牙無雪味，配埋西蘭花一齊炒無得輸 🌟菠蘿咕嚕肉 ($138) 菠蘿咕嚕肉又係my favourite，脆卜卜好好食，醬汁酸酸甜甜夠哂開胃，推介 🌟蓮蓉西米布甸 ($38) 最後來一客傳統港式甜品蓮蓉西米布甸，亦係鳳城必點既甜品，金黃色的表層加上些微燒焦的痕跡，口感香滑，蓮蓉的甜度剛剛好，食完都唔覺得好漏

經典老牌，上環重新開業。 上環鳳城酒家於2022年2月20號結業後，終於重新開業喇，而且位置喺舊址隔離，所以完全唔怕唔熟路。 燉湯以紫砂茶壺盛載，賣相精緻。紫砂茶壺吸收咗油份之外，仲為湯保持熱度。紫砂茶壺燉螺頭湯材料豐富，螺頭、瘦肉、桂圓、杞子。湯品鮮味夠火候。另一款紫砂茶壺杏汁豬肺湯亦相當濃甜，啱晒平時唔多湯水飲嘅小弟我呀。 窩貼大明蝦（蝦多士）作為鳳城的經典菜式，當然是其中一款必點美食。原隻大蝦同多士炸得金黃脆卜卜，多士酥脆、大蝦爽彈帶出了雙重口感而不油膩。 高湯炸粉果係陳年舊點。炸粉果原自順德，無潮州蒸粉果咁嘅歷史、外皮和餡料亦有所不同。外皮香脆可口，內陷鮮嫩爽口。食嘅時候，將炸炒果浸一浸高湯、口感外軟內脆更多層次，似足打邊爐時嘅響鈴一樣。 蜆蚧是珠三角地區嘅特產，同鯪魚球總係形影不離。喺鳳城品嘗到嘅蜆蚧鯪魚球，有正宗順德廚師調味配方嘅蜆蚧，再加上彈牙鯪魚球，絕對係必點食品。 風味釀蟹蓋可以話係最早期嘅新派中菜之一。金黃色嘅釀蟹蓋，啖啖鮮嫩蟹肉，非常之咁好味。 婚宴經常出現嘅百花釀蟹鉗，唔使等到婚宴都可以吃得到。大大隻嘅蝦鉗，香脆嘅外皮，包住充滿彈性同蟹香嘅內饀，超正。 招牌菜炸子雞，鳳城選用咗龍崗雞，並以淋油嘅方式炸成，皮脆肉香，真係非吃不可嘅菜式嚟。 大良炒鮮奶係一道廣東地區特色傳統名菜，有指最早始於廣東順德縣大良鎮，距今已有上百年歷史。主要由鮮奶、蛋白、澱粉等精緻而成，口味獨特。此菜因其口味清淡，奶香濃郁，一直深受食客青睞。 西米焗布甸為港人熟識，也是鳳城酒家嘅名菜，過往鳳城嘅焗蓮蓉西米布甸係需要預訂㗎。金黃色嘅表面，十分吸引，未食已傳嚟陣陣香氣。切開後可見一層黃色，一層是蓮蓉。鳳城嘅西米布甸唔厚，切開後蓮蓉喺底部流出。入口充滿蛋同奶香，西米軟硬適中，蓮蓉令布甸更加滑口甜美。