香港石塘咀｜波記燒臘粉麵店

星期六中午 1:30排隊 排咗 20分鐘入坐，基於太多外賣 落單後等18分鐘食到燒鵝瀨 我諗忙完飯巿，應該唔洗等咁耐 🔸️燒鵝瀨 $58 / 碗 😍👍🏻好好食👍🏻👍🏻 湯底係以前細個酒樓瀨粉味道❤️我飲曬個湯🤣 燒鵝皮香又薄，鵝肉入口有鵝油香！ 除咗燒鵝，見到好多人都食叉燒＆燒肉，下次可以試下😊 🔸️服務算好，見到姐姐同學生有講有笑 不敢想像平日中午的忙碌 因為見到牆有張告示：繁忙時段，用餐30分鐘 我一邊食，一邊見到燒味師傅拎4-5隻燒鵝出來，剛剛燒好的，所以一定好新鮮～ 入來食既客，通常都係街坊同新加坡旅客，暫時未見到有小紅朱人來食～

💛西環良心價燒味店🪿🦆 波記屹立西環四十幾年年，店舖多款燒味均係店舖後自家工場製作 好多人話自從波記由山道搬咗落山之後跌watt… 不過無比較就無傷害，我係第一次嚟食無得 complain 今次一次過試曬呢度嘅名物，因為唔係咁多機會一次過比較鴨同鵝，所以個經驗都幾有趣🤗 排隊等咗十幾分鐘就入到，lucky 燒鵝叉燒飯，鵝肉肉質比較細緻幼嫩，油香豐富，皮脆口🪿叉燒原來係想要肥叉，佢哋推薦食半肥瘦話會好食過肥叉。嚟到又真係好食喎，香甜蜜汁，肉質腍小小肥猶如入口即化🐽 request 咗多薑蔥蓉真係好多要比 like 😂 燒鴨瀨粉🦆鴨肉比較實肉味香濃有咬口，皮比較薄。湯底清瀨粉都好爽滑而且出奇地好易夾，唔會食到呢咁Hea 🤭 （不過唔係好鐘意佢哋係用即棄餐具呢點）

⫷ 香港米芝蓮必食推介 🥰｜馳名燒味平民老店 🤩｜每日限量招牌燒鵝燒鴨值得推薦? 🙌🏻 ⫸ ˗ˏˋ 波記燒臘粉麵店 𝐏𝐨 𝐊𝐞𝐞 ´ˎ˗ 今日介紹吓呢一間位於西環嘅名牌老店 🤩 最出名就係佢嘅燒鵝髀同埋燒鴨髀，每日限量製作，賣完就冇 🤣 我有時都會食咗餐廳最後一隻鴨髀，搞到其他人冇得食，所以如果想食嘅話記得早啲嚟啦 😋 ▮ 燒鴨髀瀨粉｜HKD 55｜✯ : 7.5 👍🏻 ▯ 𝘙𝘰𝘢𝘴𝘵𝘦𝘥 𝘥𝘶𝘤𝘬 𝘵𝘩𝘪𝘨𝘩 𝘭𝘢𝘪 𝘧𝘶𝘯 燒鴨髀啖啖肉又多汁，外皮香脆，配埋瀨粉真係好好食 😋 但係食過幾次，要提醒返大家，我覺得質素有時有少少參差 🙈 有時真係外脆肉嫩，接近滿分嘅水準，有時候外皮就唔脆，有時候啲肉就比較靭，所以都有啲講彩數 😆 ▮ 燒鵝瀨粉｜HKD 57｜✯ : 8 ⭐️ ▯ 𝘙𝘰𝘢𝘴𝘵𝘦𝘥 𝘨𝘰𝘰𝘴𝘦 𝘭𝘢𝘪 𝘧𝘶𝘯 燒鵝份量極多，放滿晒成個碗，真係非常足料 🤩 我唔捨得食鵝髀，但係呢個燒鵝嘅質素依然好高，充滿油香味，建議配瀨粉咁就唔會咁油膩 😆 但係一時時我覺得佢啲肉會比較靭，所以都係有啲講彩數 😂