香港石塘咀｜ChorLand Cookfood Stall

【西環🥘地道新派港式大排檔】 呢間新式大排檔好受本地人同遊客歡迎，長期都full，據說要早一個月預約，今次嚟西環呢間分店，比較容易book到枱！餐廳裝修風格比較懷舊，比較特別嘅係佢有啲霓虹燈裝飾，同傳統大排檔佈置差唔多，環境乾淨坐得舒服！ 佢嘅小炒款式好多，海鮮、雞、牛、豬、羊樣樣都有，份量幾大幾足，價錢唔貴，上菜上得幾快，做得幾出色！ ------------------------------------------- 🌽◖黃金椒鹽粟米◗ $71 佢同想像中嘅椒鹽粟米有啲出入，用咗起晒沙一鹹蛋黃包裹住啲粟米，金沙外皮好有口感好甘香！ 🍍◖菠蘿拔絲咕嚕肉◗ $100 咕嚕肉炸皮keep住香脆，裏面嘅肉質好鮮嫩多汁，一啲都唔乾柴，用上梅頭肉，食落去啖啖肉，口感豐富！甜酸度控制得啱啱好，醬汁比較黏稠，做到拔絲嘅效果，加入咗菠蘿、蜜桃、青椒、紅椒一齊炒，炒得好香口，味道配合得幾好！ 🐷◖楚撚記原隻脆皮炸豬手◗ $161 豬手大大隻好貼心咁拆晒肉上碟，有啲似乳豬斬件，咸香味十足，外皮好香脆，肉質保持到口感，仲有啲筋膜位置～配有黃芥辣同酸梅醬，可以減少豬手嘅油膩感，個人鐘意黃芥辣更帶出風味，但略嫌豬手偏咸～ 🐖◖楚撚豬油撈飯◗ $25 呢個好特別必叫，本身以為佢個豬油撈飯食落去會好膩，但係有驚喜！一個砵仔蒸飯加入蔥花芫荽，同埋佢嘅秘製豉油，再撈少少豬油，味道調製得啱啱好，唔會太鹹搶晒啲味，整體食落去好香口，忍唔住一啖接一啖！ 🍚◖白飯◗ $15 最後白飯都忍唔住加咗佢嘅醬汁同少少豬油食，自製第二個豬油撈飯～ 🥤◖無糖可樂◗ $13 🌟 Encore指數：8.8/10

呢間城中出名嘅🥢楚撚記大排檔，菜式🧆多元化，而且鑊氣🔥十足，裝修又有特色，😍好有懷舊風味。入面裝修主調係🥰懷舊大排檔風格，加上🏳️‍🌈彩色燈字牌好有 style。大排檔式摺檯😎同埋牆身嘅🤪騎呢插畫，有種超現實嘅代入感😆。 來大排檔要飲大啤🍺是常識吧，佢哋仲提供埋戰鬥碗🥣，同朋友來一齊又飲🍻又食，風味十足！ 七味黃金炸🔥一口金磚豆腐味道🤤層次豐富，上面又有好多炸蒜🧄夠晒香口。外脆內軟😋好惹味，啲豆腐亦都有☺️豆香。 避風塘鮮魷🦑風味十足，魷魚🤤鮮味唔會老🔥火喉啱啱好，入口少少辣🌶️配埋飯🍚食一流！ 楚撚記原隻脆皮炸🐖豬手份量十足🤩，肉嫩入味咸香可口😋，啲皮又好香脆，餸啤酒🍻好正。 依家比較少有得食豬油撈飯🍚，除咗豉油同🐷豬油之外，佢哋仲配埋芫荽🌱同蔥花，豬油撈飯😍嗰種獨特嘅香味🤤真係一試難忘！

呢間餐廳一直都係我 bookmark list 嘅其中一個，因為佢喺土瓜灣成日都好多人排隊🫠每次行過去都見到好長嘅隊，而且唔可以訂位，所以我好耐之前就放棄咗幾次🥲不過而家轉返返香港島附近，同埋呢間餐廳係西環就好方便，所以就嚟試下佢哋嘅食物🥹 ❣️七味黃金炸一口金磚豆腐 $75 豆腐好滑身，炸得好香脆，再埋炸蒜真係好食到痴線！ ❣️菠蘿拔絲咕嚕肉（梅頭）$113 係佢哋嘅招牌菜之一，酸甜啱啱好，好岩送埋飯食🍚咕嚕肉都煮得好啱口，唔會太韌，炸粉唔多😻 ❣️楚撚記完隻脆皮炸豬手 $159 好大一隻，仲附埋豬手骨俾你食，外皮炸到好脆口，好似食燒肉皮咁，而舊舊豬手都有好多肉，唔會太瘦，食落好滋味🤩 ❣️楚撚豬油撈飯 $23 第一次食，好有特色，豬油同豉油嘅味道好香，仲加埋香蔥同芫荽🌱我屋企人都話味道好似以前嘅豬油撈飯😍