香港石塘咀｜Jiang's Hunan Chef

地理位置好方便 香港大學站行兩分鐘就到 晚上7點已經滿場 如果想黎嘅朋友記得預早訂枱 今日我地上左樓上雅座 食物選擇非常多 餐牌亦好有心思 圖文並茂 好仔細介紹每樣食材同埋烹調方法 香鍋羊雜 好少餐廳供應羊雜 羊腸、羊心、羊肝、羊腎、羊肺 傳統風味小吃 惹味可口 羊騷味唔重 好適合配啤酒 香鍋田雞 肉質嫩滑又彈牙 田雞偏肥美 選中辣 辣得好過癮 配料青瓜片 萵筍都好入味 送飯一流 椒香酸菜魚 金湯酸香十足 魚片 鮮嫩軟滑 而且份量超級多 真材實料 兩個人都食唔曬 除左魚片仲有芽菜 萵筍絲 薯粉

放學之後經過呢到，見到西環日富里有間食辣嘅，平時真係唔會轉去呢條街行，多數係去 south lane 條街行，無聊一行，見到有辣嘢，又想試吓，咁就入咗去，見到 menu 都係比較正宗嘅川菜，而且開喺西環的確又唔係好貴，隨便叫咗兩味，見咗呢個乾鍋肥腸 $118，又真係大大兜，好足料好多肥腸，愈煮個味愈出愈辣，送飯簡直一流，另外食咗 menu 上嘅招牌推薦，絕色雙魚 $168，大大舊兩邊魚頭，又唔係貴，啲魚係幾嫩口，魚頭又算多肉，啲汁撈飯又係正，呢間都算係咁啦 😁😁

成三年冇得返大陸食嘢，今晚為咗止癮，約咗個大同喺以前大學附近嘅一間湘菜餐廳食飯，一入到去大部分都係內地同胞，睇嚟餐廳喺佢哋之間都應該幾出名，相信味道亦唔會令我失望！ 呢排做嘢辛苦，坐低即刻嗌碗湯補補先。 蟲草花燉雞湯：冇味精，足料，唔油膩，暖心暖胃。之後黎一個清炒萵筍絲同皇朝粉絲煲。 邊個話食湘菜一定要重口味？重口味嘅同時，配返一啲清淡嘅蔬菜平衡返個味蕾。 粉絲煲分量好多，粉絲軟硬適中，而且好入味，送飯一流。最後就係鐵板孜然牛肉，望到張相都知道色香味俱全，牛肉嫩口。 最後值得一題嘅就係前菜，涼拌海帶個味道非常出色，不過對於唔係好食得辣嘅我，就有少少太辣。 但今餐確實係可以止到食正宗內地菜既癮！