香港堅尼地城｜Sing Kee Restaurant

•誠記• 士美菲路熟食市場中的沙嗲麵專家 每次去堅尼地城，第一站一定要去一去士美菲路熟食市場入面嘅誠記，食個沙嗲麵先安樂。 👍 沙嗲雞絲雙蛋麵 沙嗲唔係一定配牛肉，誠記就話咗比我地知，只要沙嗲出色，配咩肉都咁正。沙嗲濃而不咸，又唔會太稀，每條麵都掛湯。雞絲同荷包蛋吸咗滿滿嘅沙嗲味。建議一定要加隻蛋，流心蛋黃大滿足！ 👍 花生醬西多士 新鮮炸起熱辣辣，餡可以揀咖咉/花生醬，面頭配上牛油加煉奶。店家好貼心切好哂，食得好方便。 👍 熱奶茶 飲過兩次，一次得茶味，一次得奶味，大家都係著重返沙嗲麵同西多士😬 📍誠記 西環堅尼地城士美非路12K號士美非路市政大廈2樓熟食中心

等出餐係有啲慢嘅一間老牌茶記 但個沙嗲牛真係世界級好食 無論係湯底濃度 牛肉味道 同公仔麵嘅口感麵岩岩好 可能因為太多客人 所以沙嗲牛肉都要係咁整 所以好新鮮製作出黎 亦都無鬆肉粉味 西多士中間夾咖央 都好好食

我食咗誠記40幾年，由在大排當到上熟食街市，一食由細食到大，同佢哋一家大細都好熟，D食物雖是普通食物，但佢哋由排當到上樓久味道依舊不變，例如:牛根腩，火腿炒蛋，西多士，炸雞翼，炸豬扒，勁好味嘅誠記炒飯，近來仲多咗好多炒粉麵，炒飯及特色飯，去西環一定要試。