香港中環｜大家樂 (萬邦行店)

大家樂的下午茶好抵食兩點已經排滿人排隊買外賣。 以前細個爸爸媽媽周末都會帶我同家姐去「大家樂」食早餐，所以有份情意結。 疫情下，「大家樂」依然好多人幫襯，所以買咗外賣返屋企慢慢食。 一碗細嘅叉燒飯，加紅豆冰 叉燒有6 塊，份量都算好多，紅豆冰甜到剛好，紅豆軟硬適中唔會好硬 新出呢個魚柳包，加一隻蜜糖雞翼 等外賣嘅時候，呢個魚柳包等咗好耐，麵包看烘到香脆，魚柳又係新鮮炸，中間夾咗蕃茄🍅同生菜🥬， 可以中和油膩感。蜜糖雞翼上揸滿蜜糖好正，不太咸。

尋回舊味道的炸雞脾 好多年前，每次在中環行經皇后大道中近置地廣場處便嗅到一間連鎖小食店所做的炸雞脾的香味。這味已消失了幾十年了，今天竟然被我無意間尋回部分的味兒。 在中環辨完事已是下午四時左右，肚子都有點餓了，途經萬邦行大家樂便享用了一個下午茶餐。超抵吃的炸雞脾配紅豆冰，孖寶價只是$25，超便宜。如覺炸雞脾太熱氣的話，更可選豉油皇雞脾。 ～炸雞脾 真意想不到，我竟然可吃回多年前另一小食店的炸雞脾味道。雞脾香氣四溢，炸得恰到好處，皮脆肉嫩，醃得又不會過咸，果然一食難忘。 ～粒粒好豆冰 冰凍紅豆冰極其吸引，內里有大量紅豆粒，微甜有𡁻口。一匙一匙吃下紅豆，再啜一口有椰香味的紅豆水，感覺滿足。

我在上上個週五去依間大家樂買早餐，真的，真心嗰句，煎蛋個位師父，好有Heart 囉！我自己都無佢煎得咁靚！有圖，仲有，我叫的是蕃茄湯通粉，個湯底，掂！！好味，快餐店泥講，👍👍我食到一半才醒起拍照～