香港旺角｜E POT

自助區有丸類、冷熱盤、飲料、甜品及雪糕。選擇非常多，擺放企理乾淨。 我選擇了一鍋潮汕湯，大地魚湯🐟味濃郁，再加埋胡椒粒🧂，口感層次豐富🥰。 掃過QR code，我點了以下火鍋料試下： 🌟日本產黑毛和牛 🌟美國安格斯牛肉 🌟花雕浸安格斯牛肉 🌟牛脷心托 🌟北海道千歲戶米豚肉 🌟手作蝦丸 🌟蟹籽手打蝦滑 🌟自家墨魚餅 🌟8吋長蟹柳 牛肉普遍質素唔錯，肉質軟腍有油香，其中日本產黑毛🐂和牛和牛脷心👅尤其好食，黑毛和牛🐂油膩分佈平均，又充滿肉香味🥰，而牛脷心👅，阿仔自己一個人就食了5️⃣盒😅。千歲戶米豚肉🐖肉質鬆軟，肉味香濃😍，由於切得很薄，所以只需灼兩三下就可以食😋。其他如手作蝦丸🦐、蝦滑🦐及墨魚餅🦑同樣新鮮彈牙有肉汁🥰。 另有多款自家製健康花茶🌷，如薰衣草花茶，洛神花茶等，獨立樽裝乾淨衛生，微甜帶花香味🌷，好飲又健康😋。 整體而言，店舖位置方便，各位舒適闊落，睇環境衛生乾淨，食物種類選擇多又有質素，價錢合理，值得再次光顧。

一窩堂旺角旗艦店 今日專登去食呢一間火鍋放題，價錢公道，七百蚊有咁既質素算係性價高。 呢間不愧係一窩堂既旗艦店，地方非常大，枱與枱之間都有足夠距離，唔怕會背貼背，迫到沙甸魚咁。另外值得一讚係店內真係非常乾淨衛生，冇油淋淋既感覺。 我點左個C套餐，可以食足120分鐘，我自己就一定夠晒時間，食到攬住個肚。有駌鴦鍋底，我就選擇左東蔭公同沙參肉竹鯊魚骨湯，一定要講下，湯底一到我就即刻試飲左；沙參肉竹鯊魚骨湯真係有老火湯既味道，非常滋補；而東蔭公湯底非常醒胃，同泰國菜館一樣出色。 試完個湯當然要入主題，食下D靚肉，封門柳、牛脷心托、美國安格斯牛肉等等，每一款都好靚，輕輕碌一碌，唔用調味料都已經好有肉味，加上湯底加乖，真係非常出色！ 除左不同肉類之外，唔好忽略左熟食同埋呢度既手打丸物，熟食好似牛腩、豬紅咁好入味，賣相好好，值得一試；而手打丸物每款都各有特色，食落鮮味彈牙，估唔到有驚喜，真係唔同街買返黎既味道，我大力推薦必定要食。 最後要講就係呢度有一排雪櫃，有不同蔬菜可以選擇，一份一份洗乾淨放好喺入面，方便易攞又衛生。另外其他部分就係放飲品，選擇非常多，唔怕你揀唔啱，只係怕你飲唔晒。 總括而言我覺得以火鍋放題已經算係超晒班，將好多火鍋店比下去，性價比高，值得推薦。

16款湯底｜眼花撩亂｜120分鐘火鍋放題大滿足 話說近排返工忙到狗彩，幾乎無自己私人時間可言，但都係要捉緊時間找找身邊既水桶友出黎，邊食好野邊大吐下苦水。人在旺角，偶爾經過【一鍋堂 (XX Arcade) 】俾佢嘅大櫥窗吸引，唔係因為佢有華麗嘅裝潢，而係因為有朋友說過好好食好正宗又唔貴而且評語都唔錯！所以問問有沒有位置，員工說有，那就入去乖乖坐定去等朋友，因為聽聞事關佢地都成日會Full House既! 由電梯一入到餐廳內部需要經過飲品櫃及自助食物櫃位，包括有不同種類既蔬菜又有不同種類既丸，調味料架，擺部非常整齊，呢度嘅空間感都非常足夠，望埋去大概可以坐到60人以上，全部以卡位為主要，用餐感覺舒適。 食物款式選擇多，單是湯底都已經有16款，另外仲有1款是鴛鴦鍋，價錢公道合理 ，以120分鐘放題為賣點 3款不同級數嘅追加牛去收費，今次我選擇了中價位的，『特選安格斯牛』湯底方面揀左麻辣湯底，有鴨血在內的 。 呢度點餐用iPad落單，自助形式叫嘢食時間可以自己控制，一般圖文並茂款式好多亦都分為好多唔同嘅類別。 麻辣火鍋湯底，好濃味 熟食既點菜叫左：古法炆五花腩 五花腩肥瘦適中，南乳汁香濃，成件事好合拍 其實出邊都仲有一啲係熟食既涼拌或熱撑，但係我為咗打邊爐嗰邊更加滿足所以就冇拎到出邊嘅呢啲嘢食。 灼一灼能即食可以選擇炸魚皮、響鈴、長腳蟹柳，長腳蟹柳無限Encore2.0非常好吃，蟹肉飽滿，絲絲分明。 呢個套餐upgrade了，肉類有美國安格斯牛肉、鮮雞件、西班牙栗飼豬肉、紐西蘭羊捲肉、精選進口牛板腱。 我會推介紐西蘭羊捲肉同精選進口牛板腱，羊捲肉位於羊肩位，肉質柔嫩及濃厚，油脂比例豐富好適合火鍋。精選進口牛板腱，肉質軟嫩富彈性，油花適中分佈均勻，中間透明的嫩筋口感Q彈有層次。 基本版既美國安格斯牛肉都味道鮮美，油脂豐富，多汁，做到入口即化。 另外一啲散物就有：手打蝦滑、蟲草花、冬菇釀蝦滑、鴨血、竹笙、萵筍、紅心蘿蔔、鮮海蝦、白鱔片、水魷、淮山、真係花膠、生根 要提既就係手打蝦滑，紅心蘿蔔呢兩樣都幾特別，蝦肉明顯，新鮮彈牙，拌入蟹籽讓微彈的口感昇華而紅心蘿蔔俗稱冰糖蘿蔔，也叫“心裏美蘿蔔”，又名胭脂紅，內裏為紫紅色，且口感脆、口味甜，肉質細嫩，好入味。 放題都一定要飲野，行出去飲品櫃見到好多唔同飲品可以選擇，有一啲就喺各大市場都可以買到嘅有一支就係自家製出品。 試飲左以下兩樣飲品，火鍋飲呢D飲品都爽的，水蜜桃果汁、玫瑰花黑枸杞茶、可以幫助美容養顏陽光明目活血寧神清熱解渴促進血液循環。自家設計嘅樽身會顯得更加高級。 最後食到咁上下飽飽哋都要出去試吓佢嘅甜品，呢度唯一嘅甜品就係呢一部雪糕機，牛奶雪糕，其實味道係唔錯嘅不過可能我鍾意試多啲新野就覺得呢個款式爭少少如果多啲味道選擇就可以更加好啦。 值得一讚就喺呢度冷氣非常足夠，因為打邊爐已經好熱，如果冷氣唔夠嘅話呢就會食到成頭汗，但係呢度你會一路打邊爐一路好滿足，大食特食。整體而言，一鍋堂除左食物質素高，湯底和飲品都好出色。