香港旺角｜蚊蚊豬老火鍋

呢間真係超抵食😂 叫左個烤魚，條魚好大條，無泥味，多肉。 重要三文魚刺身都新鮮，食到有魚味，以為打邊爐材料會hea你，點知唔係，牛肉同牛柏葉質素，任食來講，絕對高質👍 除左係間鋪洗左少少，坐得迫少少，其他都無嘢可以挑剔。

今次一行4人3:30黎到，原來佢地價錢同玩法都變左🤪 120分鐘任轉鍋底+牛+炸物+自助區+酒水+雪糕 $198/位 食埋刺身同麻辣燙 $248/位 5:30前離座免加一 先點左紅酒牛尾鍋，牛尾大約5-6件，好入味，番茄同紅蘿蔔味好重，非常高質😍 之後轉左麻辣雞煲，料頭勁足絕不馬虎👍🏻 大量蒜頭，洋蔥，三色椒，雞髀菇，芫荽，好惹味😋 雞大約20件左右，肉質有嚼勁唔會霉 非常有誠意🥰 刺身叫左三文魚，甜蝦，馬刀貝，八爪魚，全部都好鮮甜，肉質口感理想，感覺比上兩次更高質🤩 仲叫左螺肉同八爪魚小食，正常質素 麻辣燙試左陳皮魚蛋，鵪鶉蛋，牛柳粒 麻辣味道做得出色，魚蛋彈牙，鵪鶉蛋夠香，牛柳粒牛味唔算好豐富不過可接受 個麻辣食完好爽🤭 蔬菜新鮮嫩口，有油麥菜，小棠菜，生菜等等🥬🥬 火鍋料點左脆肉鯇，牛胸爽，牛黃喉，鵝腸，牛筋，牛舌，韮菜餃，鴨血等等 除左牛胸爽比較韌之外，其他全部都非常新鮮美味🥳 主角牛三款都係優質，尤其係安格斯 牛板腱同封門柳有牛味，肉質嫩滑 安格斯油花分佈平均，牛味十足，肉質爽滑彈牙，完全係出面單點$3~400既質素🥹 另外有大量飲品同嘉士伯，青島啤酒任飲 雪糕係意大利Gelato, 當日去有黑芝麻，朱古力，香芋同雲尼拿🤤 雖然話120分鐘，但我地最後坐左3個鐘店員先要求我地離開🫢 呢個價錢食到咁高質食材，性價比係極高，強烈推薦呀大推大推🙌🏻🙌🏻 $248超有價值😻 我仲等緊冬天去食羊腩煲呀🤭🤭

大胃王召集📣足本烤魚火鍋放題🐟 ⚠️大胃王召喚⚠️大家無返咁肚餓，真係唔好去「蚊蚊豬老火鍋」食火鍋放題🤪食物款式分量多到你不要不要，120分鐘任點 任食，仲要有最愛嘅手切牛肉🤩要回本絕對唔難😎 🍴120分鐘任飲任食放題 💰$268（任何時段） ✅烤魚、雞煲、牛尾鍋、湯底瘋狂任點 ✅海鮮拼盤（只限一碟） ✅刺身 ✅多種牛肉款式 ✅火鍋配料、飲品、雪糕 🐟烤魚 以萬州烤魚作為放題嘅開端🤓烤魚用嘅係鱸魚，大到霸佔左成個盤，估唔到放題下都大份到咁😳本身烤魚已炸香，外層香脆可口內裡滑嫩，而且冇乜骨好多肉😚炸魚吸收哂湯汁後好惹味，花椒香味夠出😍 本身打算試埋個雞煲，但食完烤魚已經一半飽，就直接加湯打邊爐😂 🐂手切牛肉 牛肉款式選擇豐富，安格斯、封門柳、牛板腱、甚至牛胸爽、牛舌都有❤️一坐低即刻上個拼盤比你，就咁睇鮮紅嘅色澤、層次分明嘅雪花紋路，已經知道唔簡單🤓果然一入口牛肉味勁重🥰比較鍾意安格斯&牛舌，安格斯重牛味又帶油脂香，牛舌彈牙爽口😚呢度嘅牛肉拍得住去九龍城買嘅手切牛肉，出面都成$200磅，但呢度係任食🤩絕對係一個大大大回本位‼️ 🦐刺身海鮮拼盤 刺身有三文魚、魷魚、甜蝦、馬刀甲、八爪魚、鮑片，味道正常冇乜雪味😌海鮮拼盤有蝦、鮑魚、青口，洗得乾淨又新鮮👍🏻 🔥火鍋配料 脆魚鯇夠厚肉，新鮮爽口😌自家製雲吞菜肉餃，皮薄餡多🤓由於食完烤魚、刺身、肥牛都飽飽地，所以到配料都係食咗兩三樣就冇再叫😅 🍨雪糕 全部都係香港品牌Da Dolce 嘅杯裝Gelato🤩味道都好多選擇，特別鍾情於柚子乳酪，輕盈清新☺️ 以二百幾蚊嘅價錢食到咁多嘢，CP值簡直爆燈💡仲要食物高質，大膽講句就咁食烤魚、牛肉都足夠令你回本🤪建議最好叫多啲朋友一齊去食，咁樣就可以每樣都試啲😎