香港油麻地｜打邊爐 The Hot Pot

同一大朋友gathering最岩就係打邊爐(˶‾᷄ ⁻̫ ‾᷅˵) 大家都未試過就去試下 裝修都好用心，我地9個人都坐得舒服👍🏽 不過有一邊唔知點解偏熱少少 🩵自家製黃金炸魚皮 $88 打邊爐前叫左個小食 大推呀🤤🤤超多咸蛋流沙係表面😍 又炸得好脆！真係好食到停唔到👍🏽👍🏽 🩵椰子沙白蜆蟹鍋 $288 見到都流哂口水🤤煲入面超足料 超級多蜆(⁎⁍̴̛ᴗ⁍̴̛⁎)重要都新鮮有肉 大家都先飲碗湯😋好正🥹 之後就開始打邊爐啦～ 叫左太多野食所以盤點幾款覺得特別深刻 🩵花鵰滑牛 $98 超香花鵰味！牛肉又滑又香！必食👍🏽 🩵蟹子墨魚蓮藕夾 $88 依款好特別，係用兩塊蓮藕夾住墨魚滑 有D外脆內彈牙既口感，第一次食(⁎⁍̴̛ᴗ⁍̴̛⁎) 🩵爆漿牛丸 依到好多滑同埋丸都好好食😋大家可以試唔同款 依款牛丸入面有好多芝士，食個陣要小心辣親😂 🩵自家製響鈴 大推！佢依款響鈴可以就咁食同浸湯食🤩 佢地炸得好鬆脆，入面重有塊紫菜 點埋個甜酸醬不得了🤤（好似點炸雲吞個款） 好好味呀！直頭可以係屋企當零食食🤪 🩵象拔蚌刺生 $7xx 又爽口又甜，超好味！厚薄適中👍🏽👍🏽 有d無價錢係因為我忘記左影低張單😀😛

去佐敦打邊爐度打邊爐，貪佢就腳又坐得舒服。枱面大大好擺嘢，食材新鮮招呼好。價錢中上但性價比高。選擇多今次試唔哂留待下一次。 味道 ⭐️⭐️⭐️⭐️⭐️ 環境 ⭐️⭐️⭐️⭐️ 服務 ⭐️⭐️⭐️⭐️⭐️

冬天真係要四圍打邊爐滿足一下我呢個邊爐拱嘅慾望 又俾我發現多間禾稈冚珍珠嘅火鍋店，各方面都幾滿意 火鍋店雖然唔喺熱鬧大街，但係好近佐敦地鐵站 只係相距3分鐘左右嘅路程 店鋪裝修古色古香 雖然店面細，但係枱同枱之間保持一定距離 侍應仲安排我哋兩個人坐四個人嘅位 所以坐得好寬敞舒適 侍應仲會係你面前用滾水清洗餐具，等你食得放心 過程中，侍應又會同你介紹食物，隨時留意到你嘅需要，拎走空碟，加湯等等，服務殷勤又周到 天氣凍，梗係叫多啲嘢慢慢食慢慢傾偈啦 🟠醬料$20/位 侍應適時端上，乾淨衛生 🟠杏汁菜乾豬肺湯$268 滋陰養生，冇味精，又足料，最鍾意佢加入菜乾，好有媽媽煲湯嘅味道 🟠自家製香茅檸檬薏米水$20/自家製竹蔗茅根水$20 聽到自家製就好似同健康掛鉤，飲落都真材實料，清甜滋潤 🟠手切霜降安格斯肥牛（小）$198 雪花好靚，味道同個樣都一樣咁好，軟稔牛味濃 🟠自家製西洋菜帶子餃子（四隻）$58 西洋菜切得好細碎，中間包咗帶子，皮薄餡靚，好有口感 🟠自家手釀芝士蝦丸/墨魚丸（四粒）$49 自家製真係唔同啲，零舍彈牙，咬落去中間會爆漿、熱辣辣，好好味！ 🟠半份自家製響鈴$39 好大條，浸幾秒食就最正！ 🟠風沙椒鹽粟米$68 椒鹽菜式不嬲都好刺激味蕾，粟米粒都保持到一定水份 🟠西洋菜$48 新鮮！ 決定將呢一間火鍋店納入個人打邊爐排行榜之一❤️