香港旺角｜Hot Pot Land

見網上有人介紹蜂巢豆腐白湯鍋個樣幾得，而我哋又好鍾意食依款嘅火鍋，上星期搵忍唔住要去試下。 豆腐鍋裡面都有幾多豆腐，重有少量嘅鴨血。 兩個人唔洗點太多，大部份都係點左半份，極品安格斯肥牛（小)半份，油脂分佈均勻，入口嫰滑。 老油條與豆腐鍋特別夾，而且半份個份量都幾多。 點左一份嘅火鍋撚御用手切肥牛，色澤鮮明，灼8秒就可以袋得，入口一D都唔韌。 爽脆黑栢葉半份，灼10秒就食得，口感爽脆。 創意午餐肉菜甫餃半份，一碟4件，午餐肉味都幾濃，味道不錯。 食皇帝菜減減油膩感。 食火鍋邊少得洞庭烏冬，配上豆腐湯再加幾塊手切肥牛，勁滿足。 點左一杯Hoegaarden和腐竹雞蛋糖水沙冰，沙冰口感幾正，爽到一個點。 腐竹雞蛋糖水（贈送）

一直都好想食火鍋撚，難得今日早收工，拉埋同事一齊黎食！ 台式湯底好多選擇 貪心嘅我哋想試兩款 所以點左龍鳳鴛鴦鍋/ 一半祖傳秒製麻辣鍋（中辣）一半蜂巢豆腐白湯鍋 麻辣湯麻香味好正！不過唔係好夠辣，下次會叫大辣😂😂😂而白湯十分足料，奶白色望見都想飲 仲要豆腐好多好正，啖啖人蔘味勁養生！當然唔少得仲有大量鴨血！ 急不及待要點嘢食 打邊爐最緊要梗係肥牛啦！ 今次揀咗兩款牛肉 安枱斯肥牛，肉味濃 油花靚！ 手切牛，份量好多，灼8秒就食得，薄切，個人比較鐘意安格斯🙈🙈🙈 另外仲叫左牛舌，有驚喜！好爽口 仲點左韮菜餃、白鱔、炸魚腐、炸午餐肉！最有驚喜係韭菜餃皮薄餡靚好多汁 而炸魚腐同炸午餐肉放落麻辣湯浸一浸再食別有一番風味 仲有最重要嘅紅薯寬粉 索晒啲湯底超好味 整體嚟講都好滿意！價錢適中、嘢食高質，而且好好坐，啱晒放工一大班人嚟❤️❤️

旺角最適合夜晚出動的地方，真係愈夜愈多人，我已經9:30入座，都要排隊等一下，出名的地方都係預先訂枱好啲。 蜂巢豆腐白湯鍋係推介之一，味道幾似老火白湯，唔會太濃，但已足夠令食材煮入味，打完邊爐後再飲都好正。 牛肉類選了骰仔牛肉粒、極品安格斯肥牛、牛骨髓及牛脷托。原先以為牛肉粒唔會滾太耐才有鮮味，但後來再試滾5分鐘左右，牛肉粒都唔會老，牛肉粒脂肪分布平均，牛肉味濃。 海鮮類選了脆鯇魚片、魚嘴及田雞。印象中好少火鍋店有新鮮田雞食，田雞上枱時仍然係跳動，滾4-5分鐘最好，田雞肉彈牙鮮甜，早知應該要2隻。 又點了餃子及丸類拼盤、頂級梅花豬肉、鵝腸及黑松露墨魚滑，梅花豬肉質素高。 打邊爐加上手工啤酒真係絕配。整體上價格合理，每一款食材都可以揀半份，可以試多啲唔同款式，最欣賞新鮮田雞，性價比高。