香港佐敦｜Giant Seafood Hot Pot

喺香港，打邊爐基本上係365，7x24 都可以做，而且大家都享受嘅食物。隨住各地打邊爐嘅方式引入，依家真係好多唔同嘅選擇。日式，台式，泰式，麻辣，應有盡有。我個人都好鍾意。但係我一直都好怕啲各式各樣嘅打邊爐方法，會令到傳統嘅港式打邊爐消失。哩間打邊爐嘅鋪頭，就係一直喺我心目中最正宗嘅打邊爐。所有記憶中嘅元素我都可以係呢度搵到。 🍖 本地滑牛，無論咩種類，一片片既牛肉，都唔會及一件件嘅滑牛好味。除左肉質嫩滑，就算煲耐左，都完全冇好老好難感覺。而且牛味相當突出。仲有就係一般都係新鮮當天買返來，所以比起雪藏嘅牛肉片，又多一份新鮮。 🍖不過其實另外兩種肥牛都好正，只要把控好時間，一樣非常好味。尤其係我地點左牛雜湯底，佢裡面嘅牛雜種類非常多，基本上就係喺街度篤牛雜個種。所以湯底超濃，用牛雜湯淥牛肉，又點可能會唔好味先得架。再加上沙茶醬，個口味好濃郁，喺齒頰留香個種。 🍖 其他餸都係傳統嘅打邊爐款式，我最中意就係脆脘魚腩。佢嘅肉質唔會好似一般魚片咁容易散，但係又唔會爽到爽脘果種咬落去唔似魚嘅感覺。 🍺✨️碧泉檸檬茶，呢種味道，叫做回憶。 好多傳統嘅野其實係好好味，只係大家太過重視打卡嘅年代，已忽略左佢。不過其實佢本身喺最值得細味。

今日天氣涼涼哋，最啱就係去打邊爐😂最近食過日式、台式同泰式火鍋，今日就決定去大鍋口食返個港式邊爐～ 一坐低，侍應就幫我哋斟豉油，同埋擺低咗一排配料俾我哋混醬，唔使我哋行出去醬料區😜 侍應問我哋要唔要食雞煲先，我哋就選擇直接開始打邊爐～我哋揀咗鯊魚骨猴頭菇湯底，一嚟到就飲咗碗湯先，奶白色嘅湯底好香好滑好補身🤣 邊爐當然先嚟食牛啦！肥牛賣相夠靚仔，仲識出煙😆食落去亦都好驚喜，充滿肥牛嘅鮮甜味～ 另外仲有網友大推嘅手切鮮牛，血色紅潤，睇佢好似好厚咁，其實食落口又滑又冇筋，充滿鮮牛香味，難怪係必點項目啦！ 再睇吓張點菜紙，剩係魚類都有咁多款，即刻每樣嚟一份先！日台火鍋比較多肉類選擇，但就好少有魚食，大鍋口除咗勁多魚揀，仲有平時邊爐少有嘅配菜，例如：鵪鶉蛋、海帶結、吊桶，同我通通嚟一份！ 海鮮類叫咗蝦、帶子、吊桶，全部都鮮嫩多汁，食材質素好高！仲有手打丸類都好鮮味～ 飲品方面都好多選擇，罐裝嘅、餐廳自己煲嘅應有盡有！ 服務亦都好好，上菜快，收碟快，加湯又快～阿姐仲勁有禮貌提返我哋落單要寫人數😂 港式邊爐總係有種無法取代嘅味道，而呢間絕對值得再嚟品嘗！

牛質素好，非常多野食選擇，性價比高，抵食