香港金鐘｜Man Ho Chinese Restaurant

萬豪金殿－為失傳古菜、亦為創意而來 《金殿玲瓏宴》 現正進行的大師發辦2.0，第一擊選擇了：「傳統·傳承」《金殿玲瓏宴》。 因為若非值此機會，難得吃到失傳古菜「崑崙鮑魚」及「綠柳垂絲」，眾所周知是滿漢全席的菜式，前者是龍躉皮配鮑魚，後者是山瑞裙邊炒菜絲，煙韌豐厚之口感，吃過方知矜貴得有道理。 此外，「海山腸」及「金殿非蛇羹」兩道移形換影菜式令人眼前一亮： 海山腸入型入格，其實是新鮮蟶子。 金殿非蛇羹，唔講唔知是水鴨湯羹。 精緻手工菜同樣不可多得： 燒雲腿水晶大蝦球 珊瑚星斑卷 明爐燒鵝酥 掛爐金錢雞 紫薯酥香脆奶 生磨開心果露

坐落叫壺茶，就奉上合桃，焗超好食，主要係甜甜地，又夠酥脆。 點心拼盆- $118 /位 蒸點皮薄，餡多。 最為出位係個叉燒酥，外酥內軟， 一咬開勁酥脆， 叉燒餡好 moist ，又夠入味。正 貴妃叉燒$338 為咗叉燒而來，絕對冇失望。 新鮮出爐，上枱仲係熱辣辣。 肥瘦均勻，隻豬超軟，叉燒汁做得剛剛好好唔會過甜。 雖然佢係叉燒，但係都有肉汁。正。 分量幾多，兩個人真係食唔曬。 脆皮和牛面頰$298 一碟有六塊。 炸漿唔算厚，炸到個皮好脆。和牛面頰勁軟綿， 感覺入口即溶。 有種好濃烈嘅牛味， 唔鍾意食牛嘅可能接受唔到呢種味。 鬼馬咕嚕肉$288 原本以為件件都係梅頭豬肉，原來有啲係油炸鬼釀蝦膠， 好彈牙。 難怪叫做鬼馬咕嚕肉，因為分唔清楚邊件係豬肉邊件係油炸鬼。very creative 。 菠蘿燒過，超多汁超甜，有爆汁嘅感覺。 老虎斑金魚餃$68/粒 金魚餃個皮都好薄，仲有啲煙韌，幾好食唔錯。打卡一流。 法國乳羊腩$388 呢隻乳羊有啲羊羶味，皮焦，好脆，有啲好似新疆烤羊腩嘅做法，用了大量調味料，我個人認為麻麻地。 茶錢$30/位 兩個人，食咗二千蚊一個lunch。 Openrice / IG : hkgirlfa

🇭🇰 𝙈𝙖𝙣 𝙃𝙤 𝘾𝙝𝙞𝙣𝙚𝙨𝙚 𝙍𝙚𝙨𝙩𝙖𝙪𝙧𝙖𝙣𝙩 萬豪金殿 🔸 米芝蓮一星中菜廳，在傳統粵菜上加添新意，味道更上一層樓，食材搭配創新，擺盤上亦見心思。 - 🔸當中我最喜歡的是艇黃花膠鮮魚湯，魚湯是我平日最喜歡的湯品，而這碗魚湯鮮甜濃郁的來，更是層次豐富，有鯽魚和石斑的鮮甜、花甲的海水味、虎蝦乾的鹹香，實在是無可挑剔，是我飲過最好味的魚湯 - 🔸 鬼馬咕嚕肉是餐廳招牌菜之一，不過就略有失望。豬肉外層炸衣很薄值得一讚，但是脆度不足，吃第一塊尚算合格，但餘下的很快外皮就吸收了醬汁變冧了，享受不到咕嚕肉中重要的香脆口感，可能要在炸衣或醬汁上調整一下 - 🔸 金影玉玲瓏 - 龍蝦鮮甜，生熟程度剛剛好，蒸蛋嫩滑有蛋香，配上番紅花汁和烏魚子的鹹香，非常出色 - 🔸 南非吉品乾鮑三疊 - 乾鮑、花菇、冬瓜，三種食材都炆至入味，而且冬瓜口感不會太爛，配上較硬身的飯用來吸收鮑汁。唯一小小意見，這道菜口感較單一，都是經過炆煮較軟冧，如果可以搭配一樣爽脆的食材，會令整道菜口感更豐富 - 🔸 整體上是非常滿意的一頓晚餐，餐廳人員對餐牌和菜式都相當了解，服務周到，必定會再訪，感謝 @jaysontang4 師傅及 @manhochineserestaurant 團隊的服務 - 🌟 仲有，我好鍾意餐廳提供的紫洋蔥檸檬水！