香港尖沙咀｜Almond Royal's Dessert

夜晚喺尖沙咀食完飯，想繼續同朋友吹水，就去咗呢間甜品舖，杏甜品 。我哋每人嗌咗一個甜品，之後我覺得都唔錯，去就買多咗一個外賣畀屋企人食🤤 椰皇雪燕燉雙皮奶 🥥🍧 雙皮奶嘅質感好滑順，好似絲綢般咁細滑。加入椰漿同雪燕嘅組合，味道濃郁香甜，真係令人回味無窮。最令我驚喜嘅係佢嘅椰香味，特別迷人！而且佢嘅份量都好足夠，一份可以好好滿足我嘅甜品胃口。如果你鍾意椰香同雪燕味道，呢個係你嘅首選！🌴 貓山王榴槤爽冰 講到榴槤，大家一定會感到期待！榴槤味道好濃郁，好香甜，令人垂涎三尺。榴槤肉好滑好軟，入口即化，令人感到幸福感爆棚。加埋清涼爽口嘅榴槤冰，真係冰涼。如果你係榴槤控，呢個甜品一定可以滿足你對榴槤嘅渴望！🍦🤤 自家製迷你3.6牛乳雙皮奶🥛 嚟到呢度，唔好錯過呢杯迷你版雙皮奶！雖然係迷你版，但味道一點都唔迷你。佢嘅質感好綿密，食落去好滑順，入口即化。牛乳味道濃郁，帶有微微甜味，好開胃。特別推薦俾唔想食太多嘅人食，迷你版嘅份量啱晚餐後消食🥛😋 杏甜品 (香檳大廈) 🍨💕 Almond Dessert (Champagne Building) 地址 尖沙咀加拿分道40-46號香檳大廈地下6號舖 Shop 6, G/F, Champagne Building, 40-46 Carnarvon Road, Tsim Sha Tsui 營業時間 星期一至四14:30 - 23:45 星期五至六14:30 - 23:45; 00:00 - 01:00 星期日14:30 - 23:45

夜媽媽11點見到呢間甜品舖仲係燈火鼎盛~ 已經行咗好幾條街見到啲甜品舖都閂晒門… 唯有硬住頭皮同大家一齊入去坐吓~ 勁憎杏仁味嘅我，見到menu表示超驚喜! 原來有好多唔同口味嘅甜品🤩 好彩同檯朋友唔抗拒，我點咗<<貓山王榴槤爽冰>>($59)🤤 上面個波波係榴槤肉，又軟又滑，好似食緊雪糕咁~ 入口即化! 下面嘅榴槤冰榴槤味超濃! 真材實料👍🏻 每一啖都超enjoy😋

香港周圍都係甜品店，平日同fd試唔少，呢間真係好值得encore，以杏仁為主題既甜品店，足料低糖又健康。小店以白、綠兩色為主色調，配搭木系傢具，感覺簡潔、清新、自然，同品牌理念好相似。 👍🏻招牌杏汁波波爽冰木蓮凍 $65.0 （單球芒果奶昔爽冰+杏汁） 第一次聽同食木蓮凍，覺得好新奇，網上搵左少少資料了解下，原來木蓮學名叫「薜荔」，係一種藤本植物，係紹興夏天一款好常見既小食，通常會加薄荷水、糖粉或者蜂蜜一齊食。 木辣蓮凍外表同涼粉好相似，食落滑嫩柔軟，比涼粉再腍d，但無乜味😯所以要配埋有甜味既杏汁同爽冰一齊食，冰涼爽滑🤤芒果奶昔爽冰幾香芒果味，加埋波波珠同小丸子，口感豐富又唔會過甜☺️份量足夠2人分享。 👍🏻椰皇桃膠燉雙皮奶 $67（杏汁） 勁多桃膠😍而且浸發充足，食落口感少少Q同Jam口🤤，加埋熱辣辣又香濃幼滑既杏汁雙皮奶一齊食，清甜唔會膩，勁正😋美顏養生，必食推薦！我連椰皇肉都食得一乾二淨🤣軟糯又帶椰香味，食得唔好浪費🙈 抹茶湯圓兩粒 $10 口感煙韌，綠茶流心一咬爆汁，味道清新。