香港大角咀｜翠園雲吞麵

今日唔舒服睇完醫生😷，無咩胃口😔，打算求其叫個雲吞麵返屋企食就算。屋企附近有間都幾出名嘅雲吞麵小店，舖頭好細，全店只有2個職員(包括煮麵)，麵嘅選擇亦都唔多，但就非常好味😋。 鮮蝦雲吞麵 $32+$1 外賣同堂食一樣都係有4️⃣粒雲吞，雲吞大大粒，饀料足，鮮蝦🦐爽口彈牙🥰，鹼水味唔重，大地魚湯味濃；而且麵質彈牙，整體十分好食😋。 蟹子雲吞麵 $32+$1 大大粒蝦🦐入面加埋卜卜脆又略帶鹹香味嘅蟹子，而且蟹子超多，所以口感非常豐富😋。 總括而言，簡單嘅裝修，簡單嘅Menu，做出一啲都唔簡單嘅美食，大角咀其中一間必試小店👍。

到訪多次都不得其門而入，今日第一次行過仍未開門，於是走了去附近食咗個海南雞飯，食完唔咁心，轉頭再去看看，終於開門了，因為肚飽飽，衹叫了雲吞麵，嚐試了聞名已久的雲吞麵，果然不同凡響，下次有機會再試套餐，有麵有菜有嘢飲，抵好多。

11月3日大角咀翠園雲吞麵 雲吞多蝦少肉，但爽口彈牙，非常鮮甜好味，幼麵煙韌爽脆好吃，清湯調味鹹淡相宜，整碗飲勝！😋