香港灣仔｜檳城蝦麵店

呢間餐廳主打蝦麵，原來檳城叫做福建麵，裝修都有啲馬來西亞簡約風，價錢亦大眾化。最抵食一人套餐，加埋小食及飲品都係$90左右。 嚟到呢度一定要試吓蝦麵，我食得辣所以嗌咗辣味蝦湯蝦肉肉骨麵，一上到黎即刻聞到好重嘅蝦味，睇落仲以為好辣，實際上大約1隻辣椒辣度，排骨肉質鬆軟，肥瘦比例適中，蝦亦唔錯。 福建滷湯蝦肉肉片麵，滷麵入口比較順滑，原來加咗一啲蛋漿同豬骨湯底，所以比較濃稠。 豬骨雞湯魚片四寶麵，湯底多了雞肉甜味，亦比較清，接近傳統港式四寶麵。 帶咗三個餐總共有三個小食，炸魚片算薄身，亦唔會太鹹，浸辣蝦湯之後食亦唔錯；沙嗲雞髀肉串，亦算正宗；五香脆炸豆腐豆卜，呢個小食放入湯之後食會更加好。 白胡椒肉骨茶油條，好有馬拉風味。

屹立灣仔22年嘅蝦麵店一定有佢原因嘅，咖哩喇沙湯底不會太濃，咖哩味和椰奶味相當配合所以啖湯係好好味嘅。 白胡椒肉骨油條配白飯件油炸鬼店家真係唔孤寒大大舊放湯食一流👍 小食叫咗2個，有魚皮同沙嗲雞脾肉串。魚皮又大片又脆浸落碗喇沙湯度嗦哂d湯汁認真和味😋。略嫌沙嗲雞脾肉嚡咗少少可能過火些少但調個味都好味嘅。 味道 ⭐️⭐️⭐️⭐️⭐️ 環境 ⭐️⭐️⭐️ 服務 ⭐️⭐️⭐️⭐️⭐️

馬來西亞檳城的「蝦麵」用上特別配方、香料調制出黎，非常有特色，在香港唔算好多地方以蝦麵作為主題，讓仍然冇得去旅行的我們望梅止渴。 這店以QR Code用電話落單，相當方便。店內的檳城路邊攤一人套餐也是很抵食，提供一麵食、一小食、一飲品，都是$100內就可以食到。 我今日相約了朋友專程來食咖哩喇沙湯底，除了咖哩喇沙外，還可以選擇豬骨湯底同埋辣味蝦湯底，我們分別揀了海鮮麵底同雞絲雞蛋麵底，海鮮麵底的餸好豐富，包括有蟹柳、鱿魚、青口、大蝦、豆卜等等。而雞絲雞蛋麵，有滿滿的雞絲，一絲絲撕得非常幼細，雞肉絲都好甜。至於咖喱喇沙湯底非常濃味，帶有少少甜甜微辣，好惹味，在出面的食店好少會有咁濃味的咖喱湯底，這點非常有驚喜。 小食方面叫了青檸煎雞翼，外皮煎得好脆，加上檸檬青檸汁增加了雞翼的清新感覺。 蒜蓉烤雞串，滿滿的蒜蓉舖滿了2條整整的雞串，每一口都充滿濃厚的蒜香味，雞肉非常嫰滑，而且烤得好Juicy ，很美味。 見到隔離枱叫了白胡椒肉骨油條好吸引，於是我跟餐只需加（$43）就可以叫一份細，肉骨好軟身，白胡椒湯飲完好驅寒暖胃，而家帶點回甘的味道。 飲品配上檸檬冰糖薏米水 & 青檸梳打，冰冰涼涼，消暑之選。